Ons taal

Kan ons nog kamp? Dis die vraag wat telkens by my opkom toe ek en manlief ons tent uit die stoor haal. En die grondseil. En die kampbedjies met matrasse. En kampbokse vol van my geliefde blikskottelgoed, mooi glas wynglase en nog wat.Ons het verlede jaar nie by kamp uitgekom nie – en of ek dit wil weet of nie: Saam is ons nou meer as 140 jaar oud! Maar die wildernis roep – en ons gaan Khaudum toe! In die reëntyd. Ek was 23 jaar gelede daar. . . onthou die afwesigheid van mense en die 4x4 in die los, warm sand. Ons ry weer al skommelend die woeste paaie. Ek verlang na ons ou wit bakkie so deur die toegegroeide paaie en skerp doringtakke. Ons beleef al die mooi watergate en staan twee ure op Leeupan omdat die olifante ons eers goed wil deurkyk voor hulle ons verder laat reis. Die manne is kort-kort besig om takke en emmers vol lang gras voor en onder die bakkies te verwyder. Wonder bo wonder bly sit ons nie in die moddergate nie, en val ook nie vas in die sandpaaie nie. As die wêreld nat is, het my seun laarse om spore deur die water te oorweeg, sy panga kap die pad oop as nodig. Toe ek nie die Dorslandboom wil aandurf nie, verskyn daar ’n daktentleer waarmee ek maklik op en af. Kamp opslaan is letterlik kinderspeletjies! Ek sit met daai mooi glas in my hand en Oupa en die kleinseuns slaat my tent op – ek gaan gooi net later my mooi beddegoed uit. My kinders kook, bak brood. Manlief braai ’n skaapboud terwyl ek lank oor die Kaudumomuramba sit en tuur. . . Kamp? Maklik.Emma KirchnerVakgroep AfrikaansUniversiteit van Namibiëkirchner@afol.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Ons taal

Kommentaar

Republikein 2026-06-17

Meld asseblief aan om kommentaar te lewer

Ons taal

Kommentaar

Republikein 2026-06-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.