Man vang 101
Jong vroue en meisies is soms so behep met “liefde” en “man-vang”. Dis ’n alewige gejaag na die perfekte man en ’n droom-troudag. Al die angs net sodat jy kan #couplegoals op jou Instagram en kan spog met ’n man aan jou arm.
Vroue voel soms minderwaardig omdat hulle enkellopend is en ander bly in toksiese verhoudings omdat hulle te bang is om alleen te wees.
Dit het werklik in ’n nare kultuur ontaard waarin vroue in hulself twyfel en hul waarde aan hul “Facebook Relationship Status” koppel. Soveel druk om mooi en fiks te wees sodat jy ’n man kan kry en dan nog die aanhoudende onsekerheid of jy goed genoeg is.
In werklikheid is die belangrikste ding eintlik om eers vrede te maak met wie jy is. Om te leer om vir jouself lief te wees, want eers dan kan jy iemand anders liefhê.
Dit klink cliché, maar die waarde hiervan is onmeetbaar en ek dink nie vroue hoor dit genoeg nie. Wanneer jy lief is vir jouself, ken jy jou eie waarde en kies jy iemand wat jou menswees kan koester. Jy sal nie toelaat dat iemand jou minderwaardig laat voel nie en jy gaan beslis nie jouself verander om iemand anders se goedkeuring te kry nie.
Hoe wil jy ten volle jouself wees rondom iemand as jy self ontevrede is met wie jy is?
Liefde vereis opregtheid.
Ons almal was al in slegte verhoudings en so leer ons en gebruik dit wat ons geleer het om volgende keer beter te kies en beter te wees. Wanneer dit by trou kom, is dit nie speletjies nie.
Jou troudag is opwindend en lekker, maar wanneer al die feesvieringe verby is, is dit jy wat saam met daardie man huis toe gaan. Dit is saam met hom wat jy ’n lewe moet bou. Dit is saam met hom wat jy soms gaan swaarkry, maar dit is ook saam met hom met wie jy die vreugde van die lewe gaan deel.
Dis nie ’n besluit wat oorhaastig geneem moet word nie. Dit bepaal jou hele lewe en as jy reg kies, dan is ek seker dat die goeie dae, vol liefde en vreugde, baie meer gaan wees as die donkerte en die hartseer. Die teendeel is natuurlik ook waar.
Dit is die moeite werd om te wag vir iemand wat jou asem wegslaan. Moet nie iemand kies omdat jy eensaam is of omdat dit gerieflik is om saam met die persoon te wees nie.
Wees versigtig vir wie jy jou hart oopmaak, want as jy eers lief geraak het vir iemand, dan kan jy nie net omdraai nie. Dit gebeur dat jy liefraak vir iemand wat nie goed is vir jou nie en dan vat dit al jou krag om jou rug op die situasie te draai.
Wees selfsugtig met jou tyd en jou liefde. Spandeer dit net op mense wat waardig is en die kosbaarheid daarvan begryp.
Wees krities wanneer jy besluit vir wie jy jou hart oopmaak.
– [email protected]
Vroue voel soms minderwaardig omdat hulle enkellopend is en ander bly in toksiese verhoudings omdat hulle te bang is om alleen te wees.
Dit het werklik in ’n nare kultuur ontaard waarin vroue in hulself twyfel en hul waarde aan hul “Facebook Relationship Status” koppel. Soveel druk om mooi en fiks te wees sodat jy ’n man kan kry en dan nog die aanhoudende onsekerheid of jy goed genoeg is.
In werklikheid is die belangrikste ding eintlik om eers vrede te maak met wie jy is. Om te leer om vir jouself lief te wees, want eers dan kan jy iemand anders liefhê.
Dit klink cliché, maar die waarde hiervan is onmeetbaar en ek dink nie vroue hoor dit genoeg nie. Wanneer jy lief is vir jouself, ken jy jou eie waarde en kies jy iemand wat jou menswees kan koester. Jy sal nie toelaat dat iemand jou minderwaardig laat voel nie en jy gaan beslis nie jouself verander om iemand anders se goedkeuring te kry nie.
Hoe wil jy ten volle jouself wees rondom iemand as jy self ontevrede is met wie jy is?
Liefde vereis opregtheid.
Ons almal was al in slegte verhoudings en so leer ons en gebruik dit wat ons geleer het om volgende keer beter te kies en beter te wees. Wanneer dit by trou kom, is dit nie speletjies nie.
Jou troudag is opwindend en lekker, maar wanneer al die feesvieringe verby is, is dit jy wat saam met daardie man huis toe gaan. Dit is saam met hom wat jy ’n lewe moet bou. Dit is saam met hom wat jy soms gaan swaarkry, maar dit is ook saam met hom met wie jy die vreugde van die lewe gaan deel.
Dis nie ’n besluit wat oorhaastig geneem moet word nie. Dit bepaal jou hele lewe en as jy reg kies, dan is ek seker dat die goeie dae, vol liefde en vreugde, baie meer gaan wees as die donkerte en die hartseer. Die teendeel is natuurlik ook waar.
Dit is die moeite werd om te wag vir iemand wat jou asem wegslaan. Moet nie iemand kies omdat jy eensaam is of omdat dit gerieflik is om saam met die persoon te wees nie.
Wees versigtig vir wie jy jou hart oopmaak, want as jy eers lief geraak het vir iemand, dan kan jy nie net omdraai nie. Dit gebeur dat jy liefraak vir iemand wat nie goed is vir jou nie en dan vat dit al jou krag om jou rug op die situasie te draai.
Wees selfsugtig met jou tyd en jou liefde. Spandeer dit net op mense wat waardig is en die kosbaarheid daarvan begryp.
Wees krities wanneer jy besluit vir wie jy jou hart oopmaak.
– [email protected]
Kommentaar
Republikein
Geen kommentaar is op hierdie artikel gelaat nie