‘Ma, Ma, Maaaammmaaa’

Ek dink “Ma-wees is nie vir sissies nie” moet dalk my Sê Maar Net-reeks word. Dis nogal ’n kwaai plan, want elke dag, elke week, is daar nuwe maniere waarop ek weer besef: Ma-wees is rêrig nie vir sissies nie!Hierdie week was (en is) dit ’n geval van “when it rains, it pours”.Ousus, kleinsus en baba – al drie siek! En net ’n dag later lê pa ook plat op sy rug. Almal wil natuurlik ekstra aandag hê, so ma moet rondhardloop: “Eet iets, trek warm aan, het jy jou medikasie gedrink, gaan lê bietjie.”Ek moet bieg, daar was ’n paar keer wat ek gevoel het ek kan in die kar klim en net ver wegry – of sommer net my naam verander. Want dit bly net: “Ma, Ma, Maaammaaa!”Maar so gaan dit mos met mammas, of hoe?Verlede week gesels ek en ’n vriendin en onmiddellik draai die gesprek na ons kinders. En die een vraag wat altyd opduik: “Gaan dit by jou ook so?”Ja, mamma, dit doen!So, wat is eintlik die punt van hierdie rubriek?Miskien is ek sommer net lus om bietjie stoom af te blaas. Want dit is een job waar jy géén betaalde verlof kry nie, geen salaris, en soms – net wanneer jy op jou laagste is – hoor jy: “Mamma, ek waardeer alles wat jy vir my doen.” En dit gee jou net genoeg brandstof tot die volgende uitdaging opduik.Jy kan maar vergeet van slaap, of selfs net ’n vinnige power nap. Alles verg beplanning – tot op die laaste minuut! Selfs vir iets so eenvoudig soos kerk of winkel toe gaan, of om daagliks skool toe te ry.Om net gou ’n nap te vat – kom ek sê eerder ’n uninterrupted nap – kan net gebeur as baba en kleinsus ook saam met mamma gaan slaap. Anders word ek wakker gemaak met die vrae: “Ma, hoekom slaap jy nou?”Dis georganiseerde chaos oral en jy leer vinnig watter fights die moeite werd is, en watter nie. Om al teen 9 uur by jou derde koppie koffie te wees, is niks nuuts nie!En te midde van al die chaos, die “Ma, Ma, Ma’s”, die eindelose vrae, is dit baie maklik om te vergeet wat ’n voorreg dit eintlik is om ’n ma te wees. Om die safe space vir hierdie klein mensies te kan wees.Psalm 127:3 sê: “Kinders is ’n gawe van die Here ...” Hoe mooi is dit? ’n Ware gawe van die Here.Een ding is seker: Tyd staan vir niemand stil nie. En wanneer ek so na my kinders kyk, sien ek dit duidelik – elke dag raak hulle bietjie groter en wyser. En ten spyte van al die manewales, sal ek dit vir niks in die wêreld verruil nie.– leandrea@erongo.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

‘Ma, Ma, Maaaammmaaa’

Kommentaar

Republikein 2026-03-20

Meld asseblief aan om kommentaar te lewer

‘Ma, Ma, Maaaammmaaa’

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.