Lekker lewendige stories

Die lewe is baie interessant en die stories wat voor ons ontvou, is soms ongelooflik. Ons moet leer hoe om dit raak te sien.Lig net jou kop op.Te dikwels raak ons so in die daaglikse stryd om oorlewing binne ons eie werklikheid vasgevang dat ons skaars die opwinding en drama wat rondom ons ontvou, kan raaksien.Natuurlik is dit noodsaaklik om jouself by jou spreuke te bepaal. Maar daar is soveel wat te mooi is, te veel wat jou verstand te bowe gaan, te veel om jou kop oor te krap of te glimlag, of wat jou laat uitbars van die lag en jouself geniet. Ons word deur pragtige, opgeruimde stories omring wat verdien om raakgesien te word. Daarin lê die bewys dat die lewe ’n gawe is. Maar ek sal erken dat ons baie van die wonder van die skepping miskyk. Ons sien nie die pragtige blomme op die sypaadjie raak nie, ons stop nie om die heerlike reuk van varsgebakte brood te geniet nie, ons luister nie vir ’n oomblik na die voëlsang in die takke nie. Kop gebuk, oë vasgenael op ’n skerm in jou handpalm, gedagtes aan die volgende taak of gisteraand se teleurstelling, ons maak nie tyd om net rond te staan en niks te doen nie. Tog is dit uiters noodsaaklik om soms net stil te wees. Asem in deur jou neus en uit deur jou mond. Luister na jou hartklop en bring dit tot ’n rustige ritme. Maak jou gedagtes stil. Kyk rond en spits jou ore. Wat sien jy? Sien jy hoe die sonlig op die vensters glinster? Sien jy hoe lui die wolke in die blou lig lê? Voel jy die briesie wat aan jou vel raak? Blaf ’n hond iewers? Gesels daar bure in die omtes? Waarmee is jou medemens besig? Kan jy dalk hulp aanbied? Miskien is dit beter om hulle net uit te los en toe te laat om voort te gaan. Net soos ons natuurlik toelaat dat die golwe herhaaldelik die oseaan se soene op die strand plaas sonder om in te gryp, so moet ons ook leer om die wêreld sy gang te laat gaan. Daaruit kom die geleentheid om die lewe se lekker stories raak te sien.Ek vind dit so lekker wanneer ek kinders kan sien speel, of wanneer daar ’n geselligheid in ’n park geniet word. ’n Egte Namibiese braai-ervaring is uitstekend en om ’n sportgeleentheid saam met humoristiese vriende by te woon, is ’n seldsame geskenk.Die heel beste is egter die liefde en om tyd saam met jou geliefdes deur te bring, moet beslis ’n hoofdoelwit van die lewe wees. Ongelukkig moet ons deesdae doelbewus tyd daarvoor maak.Die moderne lewe dra ons weg nog voordat die kleinspan hul ogies oopmaak en ons is nie tuis wanneer huisies uit kartonbokse gebou word nie.Vroulief se gegiggel soos sy met haar vriendin oor die telefoon klets, is ’n klank wat jou ore nie kan hoor nie. Jy is by die werk, by die skool, in die motor, te voet na die kontantsaal of op pad na ’n belangrike afspraak; enige plek behalwe waar jou geliefdes is, want ons moet.Maar tog, knyp ’n ekstra minuut af en geniet jou bestaan.Wees bewus van die stories rondom jou.Maak jou eie storie so bietjie lekkerder.Fluit-fluit, my storie is uit.– augetto@nmh-hub.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Lekker lewendige stories

Kommentaar

Republikein 2026-06-30

Meld asseblief aan om kommentaar te lewer

Lekker lewendige stories

Kommentaar

Republikein 2026-06-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.