Lag saam

Gesien op die internet:

Ek wil nou nie spog nie, maar ek kan vergeet wat ek gedoen het terwyl ek nog daarmee besig is. . .

~~~~~~~~~~~~~~~~~~~

Uit ons argief van September 2012:

Gehoor by ’n hondeskou: Ons hond is ’n goeie rotvanger. Hy los ’n slagyster in elke kamer.

* * *

Van HermanH, uit Clean Laffs:

(Nederlanders: vieslik = vuilbekken)

Deesdae het onderwysers 'n rowwe tyd. Kinders is hiperaktief, ongehoorsaam en vieslik. Dit moet voel soos om in ’n kamer vol dronk dwergies toegesluit te wees. – Craig Ferguson

* * *

Musieksoorte:

* Jazz - Vyf mans speel tegelyk verskillende wysies.

* Opera - Mense sing wanneer hulle behoort te praat.

* RAP - Mense praat wanneer hulle behoort te sing.

* * *

Van Louise:

Vrae wat jy NET nie kan ANTWOORD nie:

* Hoekom het Tarzan nie ’n baard nie, aangesien hy in die bos bly en nie ’n skeermes het nie?

* Hoekom vra banke ’n fooi vir “onvoldoende fondse” as hulle dan self sê daar is nie genoeg nie?

* Hoe is dit dat ons ’n man op die maan kon plaas voordat ons kon uitwerk dat dit ’n goeie idee sou wees om wiele aan tasse te sit?

* Hoekom gooi mense geld in verkykers op hoë geboue om te kyk na goed wat naby was toe hulle op die grond was?

* Hoekom het broodroosters ’n stelling so hoog dat dit die brood kan brand tot op die punt waar ’n mens dit nie kan eet nie?

* Hoekom is daar ’n lig in die yskas en nie in die vrieskas nie?

* As elektrisiteit van elektrone kom, kom moraliteit van morone?

~~~~~~~~~~~~~