Kyk dieper as die oppervlak

Ons leef in ’n wêreld wat altyd na die uiterlike beeld kyk. Die klere wat jy dra, die glimlag wat jy wys, die manier hoe jy loop, praat, selfs hoe jy sit, alles word beoordeel, vinnig en sonder om te weet wat eintlik daarbinne gebeur. En dit gebeur al so natuurlik dat ons dit amper nie eens meer raaksien nie. Ons fel oordeel oor mense voordat ons hulle regtig leer ken. Ons gee hulle etikette, net omdat dit maklik is om ’n storie vinnig te probeer verstaan. Maar mense is nie kaarte wat jy met die eerste oogopslag kan lees nie. Agter elke glimlag kan daar ’n wêreld van pyn lê. Agter die mees selfversekerde houding kan daar onsekerhede skuil wat niemand ooit raaksien nie. Agter die mooiste voorkoms kan daar ’n hart wees wat al te veel gesien het, wat al te dikwels seergemaak is. En net soos ’n boek, is die omslag net die begin. Die verhaal, die diepte, die waarheid lê binne die bladsye wat nie altyd sigbaar is nie.Dis maklik om net op die uiterlike beeld te fokus. Dit gee ’n vals gevoel van begrip. Dis vinnig en maklik en dit laat jou dink jy weet wie iemand is sonder om werklik die tyd te neem om te leer.Maar die werklike waarde van ’n mens, soos ’n boek, lê in die kern, in die storie, in die oomblikke van sagte eerlikheid en ongemak wat die buitekant nie kan wys nie.As jy leer om nie vinnig te oordeel nie, as jy leer om langer te kyk en te luister, begin jy die wêreld anders sien. Jy sien mense soos hulle regtig is, met al hul probleme en kenmerke. Jy leer empatie en begrip, en jy kry die kans om verhoudings te vorm wat die moeite werd is. Jy besef dat die mooiste en diepste dinge in die lewe selde op die oppervlak lê.Die buitekant is maklik. ’n Mens se voorkoms is wat jy eerste raaksien, maar dis die bladsye binne-in wat jou regtig vorm. Dis die stories, die pyn, die vreugde, die stil oomblikke van ’n mens se lewe wat jou leer wie hulle regtig is. En dis altyd die moeite werd om te ontdek, al verg dit tyd, geduld en ’n oop hart.Moenie iemand volgens hul voorkoms oordeel nie. Moenie dink jy weet alles van iemand net omdat jy hulle sien nie. Die waarheid lê binne en die bladsye binne-in is altyd meer as wat jy aanvanklik kon raaksien. – annemarie@nma.com.na* Beste lesers, keuring vir die publikasie van WhatsApp, briewe en alle ander lesersbydraes berus by Republikein. Klagtes oor die diens van private besighede word eers aan die onderneming vir reaksie voorgelê. Die menings van ons lesers en rubriekskrywers verteenwoordig nie noodwendig die standpunt van Republikein nie. Republikein is ’n lid van die Redakteursforum van Namibië (EFN) en onderskryf die etiese kode vir die Namibiese media soos toegepas deur die media-ombudsman.

Kyk dieper as die oppervlak

Kommentaar

Republikein 2025-10-30

Meld asseblief aan om kommentaar te lewer

Kyk dieper as die oppervlak

Kommentaar

Republikein 2025-10-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.