Kennisgewing van uiters ontevredenheid

WALLACE FINNIES SKRYF: 

Ek skryf hierdie brief om sterk beswaar te maak teen die onlangse optrede van die Gobabis-munisipaliteit.

Dit het onder my aandag gekom as magtigste en invloedrykste inwoner van Gobabis, dat die Gobabis-stadsraad eensydig besluit het om nuwe watermeters te installeer en ons te dwing om daarvoor te betaal.

Verder het die munisipaliteit die prys vir hierdie meters arbitrêr bepaal sonder enige vooraf konsultasie met die gemeenskap. As arm inwoners sukkel ons reeds om kop bo water te hou te midde van stygende lewenskoste en bestaande munisipale skuld.

Inwoners skuld Gobabis N$155 miljoen volgens geouditeerde finansiële verslae deur die ouditeur-generaal van die Republiek van Namibië. Ek verwys na die finansiële verslae oor Gobabis-munisipaliteit wat in die parlement voorgelê is deur die ouditeur-generaal die laaste 10 jaar.

Dit is uiters onregverdig en onaanvaarbaar dat die munisipaliteit namens ons besluite neem wat ons lewensonderhoud raak, sonder om ons ’n stem te gee.

’n Plaaslike owerheid of munisipaliteit word verkies en gemagtig om die mense te dien, maar u weiering om ons direk te raadpleeg, skend die beginsels van deursigtigheid en deelnemende regering.

Ek eis dringend die volgende:

– ’n Onmiddellike staking van enige gedwonge fakturering of skuldinvordering wat verband hou met hierdie installasies van watermeters.

– ’n Formele gemeenskapsvergadering/konsultasie waar inwoners hul kommer oor hierdie koste kan uitspreek.

– ’n Deursigtige uiteensetting van die koste wat aangegaan is en die munisipaliteit se regverdiging om hierdie las direk op kwesbare inwoners af te skuif.

Ek verwag dat die munisipaliteit onmiddellik konstruktief met ons sal skakel, eerder as om finansiële laste op te lê op diegene wat dit die minste kan bekostig.

Ek versoek die Gobabis-munisipaliteit om te stop om ons as inwoners nog erger arm te maak!

Ek wag op u spoedige reaksie oor hoe hierdie saak reggestel sal word, so gou as gister!