Ek sê maar net

Gene Travers - Lazarus maak net mooi Chris roep my gister in en sê vir my dat die rubriek wat ek vir vandag geskryf het, nie aanvaarbaar vir sommige van ons lesers sal wees nie. Hy wys toe ook vir my &#039;n opname wat deur &#039;n gerespekteerde organisasie gedoen is en bevind het dat ons die beste koerant in die land is.Volgens wat ek so vlugtig verneem het, is die meeste van ons lesers kerkgangers en net twee persent van ons lesers besoek smokkelhuise. Die grootste persentasie van ons lesers rook ligte sigarette en ry met Japanse voertuie. Ons skeep blykbaar ons vrouelesers lelik af. Ons gee blykbaar ook nie genoeg aandag aan ons omgewing nie.Ek vertoef die afgelope naweek vir ‘n wyle by vriende van my waar ek ‘n jong man sien wat met ‘n vurk in die tuin gestaan en spit het. Ek kon onthou dat ek hom iewers tevore ontmoet het, maar kon hom nie dadelik plaas nie.Ek het hom gevra waarvandaan ek hom ken en hy het my vertel dat hy voorheen in oorlede Constant Smit se tuin gewerk het. Hy het ook moeite gedoen om by Constant se begrafnis op te daag. Sy naam is Lazarus, sê hy vir my. Lazarus het een van die mooiste glimlagte wat ek ooit gesien het. Hy sê vir my dat hy nie &#039;n slim man is nie. Van nommers en letters weet hy nie veel nie. Hy werk in mense se tuine en net waar hy gaan, maak hy alles mooi, het Lazarus vir my gesê. Lazarus besit niks nie, maar hy is bereid om in ander mense se tuine te werk en op dié manier sy land mooi te hou, in sy eie woorde. Toe ek daar van Lazarus af wegstap, was daar &#039;n lied in my hart, maar ook ‘n tikkie hartseer.Ek het gewonder hoeveel mense wat ek ken, bereid sal wees om vir &#039;n karige loon iemand anders se omgewing te gaan mooi maak net omdat hy voel dat dit sy land is en dat hy die pragtige stukkie aarde wat deur God aan ons toevertrou is, mooi wil hou.Ek is seker maklik dertig jaar ouer as jy, Lazarus. Ek het meer geleenthede in my lewe gehad as hy. Ek het meer doodslag en verdriet gesien as hy, maar ek het by hom ‘n les geleer. Met mense soos Lazarus kan ‘n volk gebou word. - 29 September 1994

Ek sê maar net

Kommentaar

Republikein 2025-11-05

Meld asseblief aan om kommentaar te lewer

Ek sê maar net

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.