Ek sê maar net - Theresa van Zyl - Perskebloeisels

Theresa van Zyl (scribecalling@yahoo.com) Augustus is op ‘n drafstap, aangedryf deur die wind en ons begin al by tye daardie “lente-gevoel” in die lug kry. Sommige dae, stem die deinserigheid wat die berge se buitelyne soos ‘n pastelskets laat verdof, mens in op ‘n dromerige golflengte. Drome en lente en nuwe beginne is pasmaats op ons lewenspad. Elke lente kondig ‘n nuwe begin aan – van ‘n nuwe begin in die natuur tot ‘n weerprobeer, ‘n oor-begin in jouself. Die omblaai na ‘n nuwe hoofstuk, ‘n bloeisel-hoofstuk, getooi in die sagte kleure van lente se kwesbare en broos begin.Soos die Here wil, is dit DV oor bietjie meer as twee weke die kalender beginvan Lente. So lank terug as wat ek kan onthou, het my ma altyd die heel eerstebloeisel takkie aan die perskeboom vir my afgepluk en in ‘n kristal potjie op mybedkassie kom neersit. Een van my liefste vriendinne saam met wie ek vir baiejare skool gegee het, het my ma se lentedag-tradisie voortgesit nadat ek haardaarvan vertel het. Wanneer die perskeboom voor my klas begin bot, pluk ek eenvan die eerste bloeisels vir haar en sy vir my. Kosbaar. Nes sy. ‘n Engel inmenslike gestalte . . .Vandag, op hierdie 12de dag van Augustus 2024, is ek so dankbaar vir vandág, virdie lewe en die liefde. En ek is opgewonde oor elkeen wat oppad is na ‘n “Lente”wat gereed staan om in volle glorie uit te breek in volkleur bloeisels, teergroenblaartjies en lewe oral waar jy kyk.Vir sommige van julle gaan dit die begin wees van ‘n nuwe, opwindende hoofstukvan jul lewe. Jou drome gaan deurbreek uit hul winterslaap en blóm met ‘n gloriewat jy nog nie geken het nie. Veel meer as wat jy ooit kan hoop of dink of droomstaan op die punt om vir jou oop te breek in spatsels van silwer en goud, wit enrooi, pienk en groen. En ná dit gaan niks meer dieselfde bly nie, want alles gaangetooi wees in die wonder van die liefde se betowering. Alles gaan aangeraakwees met ‘n veerligte aanraking, soos dié van ‘n bloeiselblaar om die wete vas enhelder in jou te laat opstaan:Hý is en bly in beheer. Sý planne en opgewondenheid oor jou lewe is al van voordie grondlegging van die aarde af daar en Hy weet wat Hy doen. Hou net vas aandie wete dat Sy tydsberekening perfek is – ook vir jou en vir my. “The best isyet to come. . . “Dit kan vandag of môre wees. . . dit staan op die punt om te gebeur . . . Kykdaarvoor, wag daarvoor en maak seker dat jy dit herken vir die wonder watgereed is om jou kop te laat draai van geluk en jou tot rus te laat kom in diegeborgenheid van Sý volkome voorsiening in al jou behoeftes, maak nie saak hoeklein of groot of gedetaileerd dit is nie. Jy is kosbaar en jou toekoms is besigom in hemelse kleure in ‘n blomtapyt voor jou oop te rol.Sodra die lente hierdie jaar vir jóu aanbreek, hier is vir jou ‘n uitnodiging. Komdit na – met daardie spesiale persoon in jou lewe. . .Kom saam vanaandna die lentedans,my liefste maat,waarheen ons gevra is– spesiaal -ek en jy.Plek: NatuursaalTyd: SonsondergangToegang: Geloof, Hoop en Liefde - Gasskrywer

Ek sê maar net - Theresa van Zyl - Perskebloeisels

Kommentaar

Republikein 2025-11-05

Meld asseblief aan om kommentaar te lewer

Ek sê maar net - Theresa van Zyl - Perskebloeisels

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.