Dienders en dienders
Sê maar net 30 jaar gelede
Dit is verblydend om te sien dat daar nou van owerheidskant daadwerklik teen die toenemende misdaad in Namibië opgetree gaan word. ’n Mens kan maar net hoop dat die nuwe poging meer suksesvol as die vorige probeerslae sal wees.
Dit laat my dink aan jare gelede toe drie uiters gevaarlike moordenaars uit die tronk in Hillbrow ontsnap het nadat hulle ’n bewaarder oorrompel en sy vuurwapen afgeneem het.
Die drie boewe het ’n verwagtende vrou voor die tronk uit haar motor geruk en met dié voertuig ontsnap.
Ek en ’n medebestuurder het in daardie stadium in ’n kragtige motor baie naby aan die tronk in Braamfontein patrolliewerk gedoen toe ons die radioboodskap kry dat die voortvlugtendes in ons rigting beweeg.
Ons was op pad na die toneel toe die boewe teen ’n hoë spoed regoor ons inswaai. Kort op hul hakke het ’n jong rooikopkonstabel met ’n bril agter op ’n bromponie aangery gekom. Ek het later verneem dat hy gesien het hoe hulle die vrou uit die motor ruk en toe sommer die bromponie-ryer voorgekeer en dié man opdrag gegee het om die misdadigers te agtervolg.
Feitlik reg voor die staatspataloog se kantore het die konstabel die eerste skoot geskiet. In daardie stadium was ons reg agter die bromponie en het teen ’n hoë spoed beweeg, maar sowat van skiet het ek nog nooit in my lewe weer gesien nie!
Die skoot wat hy afgevuur het, is agter deur die motor se venster en het die voorvlugtende bestuurder in die nek getref. Hy het beheer oor die voertuig verloor en teen traliewerk reg voor die hospitaal se kraamafdeling gebots.
Teen die tyd wat die voertuig tot stilstand gekom het, was die konstabel reeds op sy voete. Die twee misdadigers het by die motor uitgespring en laat spat.
Die konstabel het sy bril so effens reggeskuif en die twee hardlopendes elkeen ’n netjiese skoot deur die been geskiet. In die geharwar wat hierop gevolg het, het ek die konstabel uit die oog verloor en hom eers jare later weer hier in Windhoek ontmoet. Hy is nou adj.-off. James Archer van die Namibiese Polisie en daardie moordenaar is destyds met James se koeël in sy nek galg toe.
In daardie tyd was die misdaadsyfer, selfs vir so ’n groot stad soos Johannesburg, baie laag. Die polisiemag was gedissiplineerd en hulle het die ondersteuning van hul offisiere en die owerhede gehad.
Die misdadigers het dit geweet en het gevolglik maar lig geloop.
’n Polisieman kan nie sy werk behoorlik doen as hy nie die ondersteuning van die owerheid geniet nie.
Ek is seker daarvan dat die Namibiese Polisiemag oor nog polisiemanne van daardie rooikop konstabel se kaliber beskik. Hulle het net onderskraging nodig. – Woensdag, 26 Februarie 1992
Dit laat my dink aan jare gelede toe drie uiters gevaarlike moordenaars uit die tronk in Hillbrow ontsnap het nadat hulle ’n bewaarder oorrompel en sy vuurwapen afgeneem het.
Die drie boewe het ’n verwagtende vrou voor die tronk uit haar motor geruk en met dié voertuig ontsnap.
Ek en ’n medebestuurder het in daardie stadium in ’n kragtige motor baie naby aan die tronk in Braamfontein patrolliewerk gedoen toe ons die radioboodskap kry dat die voortvlugtendes in ons rigting beweeg.
Ons was op pad na die toneel toe die boewe teen ’n hoë spoed regoor ons inswaai. Kort op hul hakke het ’n jong rooikopkonstabel met ’n bril agter op ’n bromponie aangery gekom. Ek het later verneem dat hy gesien het hoe hulle die vrou uit die motor ruk en toe sommer die bromponie-ryer voorgekeer en dié man opdrag gegee het om die misdadigers te agtervolg.
Feitlik reg voor die staatspataloog se kantore het die konstabel die eerste skoot geskiet. In daardie stadium was ons reg agter die bromponie en het teen ’n hoë spoed beweeg, maar sowat van skiet het ek nog nooit in my lewe weer gesien nie!
Die skoot wat hy afgevuur het, is agter deur die motor se venster en het die voorvlugtende bestuurder in die nek getref. Hy het beheer oor die voertuig verloor en teen traliewerk reg voor die hospitaal se kraamafdeling gebots.
Teen die tyd wat die voertuig tot stilstand gekom het, was die konstabel reeds op sy voete. Die twee misdadigers het by die motor uitgespring en laat spat.
Die konstabel het sy bril so effens reggeskuif en die twee hardlopendes elkeen ’n netjiese skoot deur die been geskiet. In die geharwar wat hierop gevolg het, het ek die konstabel uit die oog verloor en hom eers jare later weer hier in Windhoek ontmoet. Hy is nou adj.-off. James Archer van die Namibiese Polisie en daardie moordenaar is destyds met James se koeël in sy nek galg toe.
In daardie tyd was die misdaadsyfer, selfs vir so ’n groot stad soos Johannesburg, baie laag. Die polisiemag was gedissiplineerd en hulle het die ondersteuning van hul offisiere en die owerhede gehad.
Die misdadigers het dit geweet en het gevolglik maar lig geloop.
’n Polisieman kan nie sy werk behoorlik doen as hy nie die ondersteuning van die owerheid geniet nie.
Ek is seker daarvan dat die Namibiese Polisiemag oor nog polisiemanne van daardie rooikop konstabel se kaliber beskik. Hulle het net onderskraging nodig. – Woensdag, 26 Februarie 1992
Kommentaar
Republikein
Geen kommentaar is op hierdie artikel gelaat nie