Die koue is niemand se maat

Met die koue wat een dag koud en die volgende dag warm is, weet ’n mens nie wat om aan te trek nie. Ek het ook nie meer die krag om vroeg op te staan nie. Die ysige temperature wat ons hierdie winter beleef, maak dat my bed my nie in die oggende wil los nie. Hy protesteer deur die komberse om my te woel, dan kan ek nie uit die sagte, warm voue klim nie. Nou dat alles buite vaal en grys lyk, voel my liggaam ook stram, want die ouderdom en die koue speel nie so mooi saam nie. Ek het eintlik energie vir die liggaam nodig.Die kenners sê die vierde sal dit koud wees; nou wonder ek, is dit net daardie dag of die naweek ook? Ek weet eintlik nie wat alles beteken nie, maar vertel my asseblief nog ’n keer van goedkoop krag en dat koue storte goed en bevorderlik is vir die bloedsomloop en om jou vir die dag op te kikker. Ons sê altyd dat niemand vir koue pampoene skrik nie, maar wat van koue water uit die kraan sonder ’n geiser? Ek het simpatie met my medelandgenote wat elke dag met koue water moet klaarkom.Ek vertel nie hierdie storie omdat ek lekker kry nie, maar dit is die reine waarheid. My kleinkinders sê ook hulle kry verskriklik koud en dat hulle die maatjies jammer kry wat in sinkhuise moet slaap, terwyl hulle graag snoesig onder ouma se tuisgemaakte komberse slaap.Ai tog, hoe verlang ek nie na die ou dae toe ons truie aangetrek het met hartjies voor op gebrei en verskillende bont sokkies nie. Daarin kon ’n mens voel dit is winter, maar nou is ek oud met sweet op my gesig.Die winter het ook lekker voordele. Nou dink ek aan dik, warm sop saam met roosterbrood en die genot van ’n warm, dik jas. Sjokoladedrankies met baie warm melk is ook ’n wintergunsteling. Die dik lae klere verberg ook die spekkies redelik goed, want mense dink dis die dik klere wat so lyk en nie die mens daarbinne nie.Maar die lekkerste van alles is dat die winter maak dat mense meermale vir jou drukkies kom gee.– thusie@nmh.com.na* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Network Media Hub (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Die koue is niemand se maat

Kommentaar

Republikein 2025-11-04

Meld asseblief aan om kommentaar te lewer

Die koue is niemand se maat

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.