Die gevoelens van die sokkie in ’n tuimeldroër
Kan enige lewensituasie meer vreesaanjaend wees as om jou in ’n vallende vliegtuig te bevind?
Wel, dit hang af.
Wat van in ’n helikopter wat in die see val?
Die verskil is dat ’n vliegtuig se uitgespreide vlerke hom flotasie gee en die vliegtuig in ’n regop posisie hou.
Hierteenoor is ’n helikopter met twee rotorlemme se enjins bo-op die dak die swaarste deel, wat noodwendig beteken dat as hy onder water beland, hy noodwendig sal omdop.
Skielik is jy gedisoriënteer, want bo is nou onder. En jy gaan sink. En water stroom in.
Vir elite soldate of aflandige olieboorwerkers en hul helikoptervlieëniers is hierdie scenario een waarvoor hulle in gereelde oefensessies met opgeleide instrukteurs op datum moet bly – ’n belangrike tydsbesteding wat lewens kan red.
Dis ’n doodernstige omgewing en jy het elke bietjie kennis, begrip en wetenskap nodig om veilig daar te kan wegstap. Daar is tegnieke en toerusting waarmee jy vertroud moet wees om uit te kom.
Sommige van die nuwe leerders kan nie eens swem nie. Een van die eerste oefentegnieke is om daaraan gewoond te raak om jou onder water in ’n onderstebo posisie te bevind. Sonder ’n skuba-duikmasker op, stroom die water by jou neus in en spoel deur jou sinusse en jou liggaam druk paniekknoppies.
Ná die eerste klompie stappe vorder die groep leerders om vir die eerste keer vasgegespe te sit in die simuleerder wat bo die swembad hang voor dit onder die water verdwyn en dan onderstebo dop.
Die eerste keer is die wildste. Die leerders gespe hul veiligheidsgordels los en verloor hul verwysingspunte en raak gedisoriënteerd.
“Hul instink is om eerste hul veiligheidsgordel los te maak – maar dan is jy soos ’n sokkie in ’n tuimeldroër. Jy raak verlore en dis chaos,” verduidelik die instrukteur.
Dis ’n hoërisiko oefening met instrukteurs wat oombliklik die regte waarneming moet doen en regte optrede moet kies om die immer teenwoordige doodsgevaar die hoof te bied.
Jou voete word bo jou kop uitgelig en lugborrels beweeg in die “verkeerde” rigting.
Stel voor jy word so omgedop in donkernag modderwater en jou sinusse is vol water. Stap vir stap word jy gekondisioneer om jouself te kalmeer en die versoeking te weerstaan om voortydig jou veiligheidsgordel los te maak, want met longe vol lug sal jou liggaam regop draai, maar dan is jou wêreld onderstebo en niks maak sin nie.
Nie onmoontlik om jou pad na buite te vind nie, maar dis moeiliker. Dis beter om in jou sitplek te bly en presies te weet waar jy is en waar alles is.
So teen die derde onderdompeling begin dit by die leerders insink die truuk is om nie paniekerig te raak nie en eerder jou verwysingspunte te behou; jou brein te gebruik en lewendig daar uit te kom met die eenvoudigste moontlike roete.
In die jaar 2022 reken ek heelwat mense voel die ekonomiese en finansiële stormwaters oor hul koppe spoel, met ’n sinkende gevoel en allerhande goedwat uit verskillende rigtings die waaier tref.
Te midde van die chaos is dit belangrik om nie paniekbevange te raak en sake nog verder te vererger nie. Neem doelbewus een besluit op die volgende en beweeg in die regte rigting om eendag weer die sonlig te sien.
Met erkenning aan Smarter Every Day (YouTube-kanaal).
Wel, dit hang af.
Wat van in ’n helikopter wat in die see val?
Die verskil is dat ’n vliegtuig se uitgespreide vlerke hom flotasie gee en die vliegtuig in ’n regop posisie hou.
Hierteenoor is ’n helikopter met twee rotorlemme se enjins bo-op die dak die swaarste deel, wat noodwendig beteken dat as hy onder water beland, hy noodwendig sal omdop.
Skielik is jy gedisoriënteer, want bo is nou onder. En jy gaan sink. En water stroom in.
Vir elite soldate of aflandige olieboorwerkers en hul helikoptervlieëniers is hierdie scenario een waarvoor hulle in gereelde oefensessies met opgeleide instrukteurs op datum moet bly – ’n belangrike tydsbesteding wat lewens kan red.
Dis ’n doodernstige omgewing en jy het elke bietjie kennis, begrip en wetenskap nodig om veilig daar te kan wegstap. Daar is tegnieke en toerusting waarmee jy vertroud moet wees om uit te kom.
Sommige van die nuwe leerders kan nie eens swem nie. Een van die eerste oefentegnieke is om daaraan gewoond te raak om jou onder water in ’n onderstebo posisie te bevind. Sonder ’n skuba-duikmasker op, stroom die water by jou neus in en spoel deur jou sinusse en jou liggaam druk paniekknoppies.
Ná die eerste klompie stappe vorder die groep leerders om vir die eerste keer vasgegespe te sit in die simuleerder wat bo die swembad hang voor dit onder die water verdwyn en dan onderstebo dop.
Die eerste keer is die wildste. Die leerders gespe hul veiligheidsgordels los en verloor hul verwysingspunte en raak gedisoriënteerd.
“Hul instink is om eerste hul veiligheidsgordel los te maak – maar dan is jy soos ’n sokkie in ’n tuimeldroër. Jy raak verlore en dis chaos,” verduidelik die instrukteur.
Dis ’n hoërisiko oefening met instrukteurs wat oombliklik die regte waarneming moet doen en regte optrede moet kies om die immer teenwoordige doodsgevaar die hoof te bied.
Jou voete word bo jou kop uitgelig en lugborrels beweeg in die “verkeerde” rigting.
Stel voor jy word so omgedop in donkernag modderwater en jou sinusse is vol water. Stap vir stap word jy gekondisioneer om jouself te kalmeer en die versoeking te weerstaan om voortydig jou veiligheidsgordel los te maak, want met longe vol lug sal jou liggaam regop draai, maar dan is jou wêreld onderstebo en niks maak sin nie.
Nie onmoontlik om jou pad na buite te vind nie, maar dis moeiliker. Dis beter om in jou sitplek te bly en presies te weet waar jy is en waar alles is.
So teen die derde onderdompeling begin dit by die leerders insink die truuk is om nie paniekerig te raak nie en eerder jou verwysingspunte te behou; jou brein te gebruik en lewendig daar uit te kom met die eenvoudigste moontlike roete.
In die jaar 2022 reken ek heelwat mense voel die ekonomiese en finansiële stormwaters oor hul koppe spoel, met ’n sinkende gevoel en allerhande goedwat uit verskillende rigtings die waaier tref.
Te midde van die chaos is dit belangrik om nie paniekbevange te raak en sake nog verder te vererger nie. Neem doelbewus een besluit op die volgende en beweeg in die regte rigting om eendag weer die sonlig te sien.
Met erkenning aan Smarter Every Day (YouTube-kanaal).
Kommentaar
Republikein
Geen kommentaar is op hierdie artikel gelaat nie