BYBELSE WYSHEID

DR. ANNES NELRomeine 13:11: Die uur is reeds daar dat julle uit die slaap moet wakker word, want die tyd van ons finale verlossing is nou nader as toe ons tot die geloof gekom hetDie kerkvader, Augustinus, het Romeine 13:8–14 gelees terwyl hy in ’n tuin gesit het. Hy was nog nie ’n volgeling van Christus nie. Sy lewe was gekenmerk deur immorele keuses. Hy het aan ’n sekte behoort waarin die kontras tussen lig en duisternis sentraal was. Toe hy by Romeine 13:13 kom, het God sy hart geroer. Die woorde het hom wakker geskud en hom uit die duisternis na die lig van ’n veranderde lewe getrek.Paulus gebruik die beeld van nag en dag. ’n Nuwe dag breek aan—’n verwysing na die beloofde terugkeer van Christus (13:11–12). Elke oomblik bring ons nader aan daardie uiteindelike dagbreek—God se finale verlossing.Hierdie nuwe dag verteenwoordig ook die nuwe lewe waartoe God ons roep as mense van die lig. ’n Naglewe liefdeloos, sonder eerbied vir God of omgee vir ander. Dit is om die wet van liefde te verbreek deur sonde soos dronkenskap, seksuele onsedelikheid en jaloesie, alles gedryf deur selfsugtige begeertes (13:14).In teenstelling daarmee weerspieël die lewe in die dag vryheid en liefde. Wanneer ons ander liefhet, wys ons dat ons uit die duisternis getree het en ons harte voorberei vir God se groot dag en die volheid wat in Jesus Christus gevind word.Here, vernuwe my sodat ek in U lig kan wandel. Amen.

BYBELSE WYSHEID

Kommentaar

Republikein 2026-02-03

Meld asseblief aan om kommentaar te lewer

BYBELSE WYSHEID

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.