Bybelse wysheid

DR. ANNES NELRigters 3:6: “Die Israeliete het met die dogters van hierdie nasies getrou en. . . het hierdie nasies se gode gedien.”God is altyd aan die werk in ons lewens omdat Hy getrou is aan sy liefde vir ons. In die boek Rigters word sy liefde uitgebeeld deur die verbond wat Hy met sy mense gesluit het (2:20). God is getrou. Hy het hulle uit Egipte verlos en ’n eie land vir hulle gegee (2:12). Hy hou altyd sy beloftes.Tog, in hierdie nuwe land, is die mense se hardkoppigheid verstommend. Keer op keer red die Here hulle, maar hulle bly van Hom af wegdraai. Soms moet God hulle dissiplineer om hulle terug na Hom toe te bring. Ons lees dat Hy toegelaat het dat omliggende nasies Israel onderdruk. Dit lyk amper asof die Here sy hand teruggetrek het.Het Hy dit werklik gedoen? Nee. Selfs deur lyding het God betrokke gebly en hierdie nasies gebruik om Israel te toets (2:22; 3:1,4). Sy doel was om te sien of hulle uiteindelik gehoorsaamheid sou kies. Ongelukkig het hulle dikwels geweier om te leer en het hulle aangehou om valse gode te aanbid.Sien jy God se hand aan die werk in jou lewe om jou nader aan Hom te bring? Laat ons uit ons foute leer en die enigste lewende God wat ons liefhet, dien.Here, verander my deur die krag van u Heilige Gees, sodat ek gehoorsaamheid en getrouheid kan leer, in Jesus se Naam. Amen.

Bybelse wysheid

Kommentaar

Republikein 2025-12-17

Meld asseblief aan om kommentaar te lewer

Bybelse wysheid

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.