Bybelse wysheid

DR. ANNES NELPsalm 27:1: “Die Here is my lig en my redding – vir wie sou ek vrees?”God se lig word herhaaldelik in die Bybel geassosieer met sy redding in tye van nood. Jesus, die Verlosser, is die lig van die wêreld wat die mag van sonde deur sy liefde verdryf.Hierdie psalm noem God se redding en lig in een asem (27:1). Hierdie lig verdryf Dawid se vrees, selfs te midde van oorweldigende magte. Hy vind veiligheid in die Here se teenwoordigheid (27:5).Dawid word deur teenstanders bedreig. Hy kan slegs op God se genade staatmaak in sy moeilike omstandighede (27:7). Sy Verlosser is soos ’n grot waar hy kan wegkruip wanneer hy bang is (27:1). Selfs al verlaat sy naaste mense hom, sal hy veiligheid vind by die Here (27:10).Die Here se nabyheid, redding en lig lei tot ’n lewe van toewyding. Wanneer die digter die Here se sorg ervaar, vra hy onmiddellik vir leiding op die regte pad. Ons Here is nie ’n noodgod nie. Ons moet eerder sy leiding elke dag volg. ’n Begeerte om die Here te dien, met vreugde te sing, opofferings te maak en ander aan te moedig om ook op die Here te vertrou, is die resultaat (27:6, 14).Dit maak nie saak wat vandag gebeur nie. Onthou: Die Here red! Dit is jou lig vir vandag! Mag dit jou ook met dankbaarheid vul sodat jy die Here onvoorwaardelik sal volg (27:11-13).Here, leer my vandag u pad. Amen.

Bybelse wysheid

Kommentaar

Republikein 2025-12-19

Meld asseblief aan om kommentaar te lewer

Bybelse wysheid

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.