Bybelse wysheid

DR. ANNES NELEksodus 3:13: “Sê nou maar ek kom by die Israeliete en ek sê vir hulle: ‘Die God van julle voorvaders het my na julle toe gestuur,’ en hulle vra vir my: ‘Wat is sy Naam?’ Wat moet ek dan vir hulle sê?”Die Here het Moses van sy teenwoordigheid verseker, maar Moses was steeds nie tevrede nie. Die volk het sy gesag bevraagteken (2:14). Daarom wou hy vir hulle sê wie hom gestuur het.In die Ou Nabye Ooste het iemand se naam sy ware wese openbaar. Om iemand te ken, was om sy wese te ken. Moses het ingestem om te gaan, maar hy wou in beheer wees van die Here wat hom gestuur het. Die Here gee hom nie sy sin nie. In Eksodus 3:14 maak die Here sy Naam bekend – niemand kan sy wese vaspen nie. Vriezen vertaal die Here se Naam met: “Ek is daar, waar dit ook al mag wees. Ek is werklik daar.” Brevard Childs merk op dat die volle openbaring van wie Hy was en wat Hy sou doen, oor tyd sou ontvou. Hy is nie ’n vreesaanjaende of veraf God nie, maar aktief teenwoordig. Hy sal altyd by sy volk wees – Immanuel! Hy sal sy beloftes nakom (3:15).Die Here het sy wese beskerm, maar die volk kon seker wees dat wat Hy beplan het, vas en seker was (3:18-22). Ons het ’n God wat getrou en teenwoordig is.Here, dankie dat U by ons teenwoordig is. Amen.

Bybelse wysheid

Kommentaar

Republikein 2025-09-08

Meld asseblief aan om kommentaar te lewer

Bybelse wysheid

Kommentaar

Republikein 2025-09-08

Meld asseblief aan om kommentaar te lewer

MELD AAN

Advertensie