Bybelse wysheid

DR. ANNES NELEksodus 3:2: “Toe verskyn die Engel van die Here aan hom in ’n vlam binne-in ’n doringbos.”Moses het gevlug nadat hy ’n Egiptenaar vermoor het. Terwyl hy as veewagter in Midian na skape omsien, jaag hy hulle in die rigting van ’n plek wat later ’n beduidende rol in sy eie lewe sou speel. Horeb sou later die plek word waar God hom gereeld aan die mense sou openbaar.Onbewus hiervan het God hom daar ingehaal. Hy besef nie eens dat die Here met hom praat nie. Vir hom was dit net ’n brandende bos! Dit was egter ’n heilige plek.Francis Thompson het ’n gedig geskryf waarin hy beskryf hoe hy dag en nag, jaar na jaar, op ’n doolhof van paaie, deur trane, van God weggevlug het. Hy het die Here se voetspore wat hom ingehaal het, gehoor, maar probeer wegkom. Die Here het hom gedurig agtervolg – met goddelike drang en konstante spoed – en uiteindelik ingehaal.Lewis Smedes sê dat hy nie glo omdat hy in ’n gelowige gesin grootgeword het of omdat hy die kerk vroeg leer ken het nie. Hy glo eerder omdat God hom met sy genade ingehaal het en Hom steeds vashou.Soms neem ons sake in ons eie hande. Tog misluk ons pogings uiteindelik. God het Moses ingehaal. Sy plan is weer op koers. Ons loof die Here dat sy plan nie afhang van ons mislukkings nie.Here, dankie vir die terugbring na U plan vir ons lewens. Amen.

Bybelse wysheid

Kommentaar

Republikein 2025-12-19

Meld asseblief aan om kommentaar te lewer

Bybelse wysheid

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.