Bybelse wysheid

DR. ANNES NELJesaja 30:15: “Julle krag lê in stilwees en vertroue hê.”Realisme is ’n goeie woord om te gebruik as jy nie God wil vertrou nie: Jy moet jou verstand gebruik! Dikwels is hierdie woorde niks anders as ongeloof nie.Toe Assirië die mense van Juda bedreig het, is ’n beroep gedoen dat hulle net op God vertrou (30:15). Hulle moes rus vind in die God wat reg laat geskied (30:18). Ongelukkig was dit te veel gevra. As die vyand aan jou voordeur klop en die dood op jou stoep staan, soek jy nie woorde wat sê jy moet ontspan nie. Daarom het Israel besluit om liewer by Egipte hulp te gaan soek. Die spook van Agas se sonde (Jes. 7) het nie gaan lê nie. Mag en geweld, perde, strydwaens en koalisies was ’n beter opsie as om op God te vertrou.So het hulle hul rug op God gekeer. Hy het hulle uit Egipte bevry, maar hulle hardloop terug na Egipte met geskenke. Wat sou jy gedoen het? Charles Spurgeon het gesê dat ons in alles en oral die Here moet vertrou. Geloof het te doen met brood en water, klere en sokkies, kinders en vee, huishuur en weer. Dit is goddelike genade in die huis, in die kombuis, in die werkswinkel. Ons gaan Hom vertrou vir ons boerdery, ons oes en ons vee – al is dit moeilik.God van genade, leer ons om U te vertrou, al lyk alles verlore, in Jesus se Naam. Amen.

Bybelse wysheid

Kommentaar

Republikein 2025-11-03

Meld asseblief aan om kommentaar te lewer

Bybelse wysheid

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.