Bybelse wysheid

DR. ANNES NELEksodus 33:3: “Julle is so ’n moedswillige volk dat Ek nie sal saamtrek na hierdie land wat oorloop van melk en heuning nie. . .”In een van die gemeentes waar ek gedien het, het ’n man met sekerheid vir my gesê hy gaan hemel toe omdat hy reeds sy hel op aarde gehad het. Baie mense verduur hul eie vorme van hel – droogte, siekte, trane, pyn en onreg.Die ergste vorm van hel is wanneer ons voel ons is alleen daarin. Ons voel dat God afwesig is. Hierdie gevoel verdiep wanhoop: Hel is om alle hoop, alle lof, alle vooruitsigte en alle vertroue te verloor.Moses stry teen hierdie hel. Die Here se besluit om nie saam met hulle te trek nie, is verskriklik. Sonder Hom is hulle toekoms hopeloos. Moses se krisis is nie oor die moeilike pad vorentoe nie. Sy krisis is dit sal sonder God se teenwoordigheid wees (33:12-13; 34:8-9). Sy versoek is nie vir vergifnis nie, maar vir God se nabyheid (33:18). Walter Brueggemann merk op Moses soek meer as ’n blote versekering. Hy soek sekerheid. Baie van ons verlang na hierdie sekerheid: dat die Here by ons sal wees te midde van die hel van wanhoop. In Christus het God gekies om by ons te woon. Hy is in ons nood by ons. Sy Gees is ons waarborg dat Hy sy beloftes sal nakom.Here, laat ek vandag U teenwoordigheid ervaar te midde van my omstandighede. Amen.

Bybelse wysheid

Kommentaar

Republikein 2025-11-03

Meld asseblief aan om kommentaar te lewer

Bybelse wysheid

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.