Bybelse wysheid

DR. ANNES NELEksodus 2:24: “God het hulle gekerm gehoor en aan sy verbond met Abraham, Isak en Jakob gedink.”God het aan sy verbond gedink. Ons doen meestal nie veel wanneer ons sê ons dink aan iemand nie. Wanneer God aan ons dink, doen Hy iets.Moses woon in Midian. Hy is getroud en het kinders. Dit gaan goed met hom. Die heerser van Egipte is dood, maar sy mense se probleme duur voort. Hulle vind dit moeilik. Hulle kerm (2:23). Moses hoor van hulle benarde situasie. Hy is ’n vlugteling in ’n vreemde land. Sy pogings om hulle te help, het nie gewerk nie. Sy mense is ondankbaar vir wat hy gedoen het (2:14).God hoor. God vergeet nie. Hy het ’n verbond met Abraham, Isak en Jakob gesluit en belowe dat Hy aan hulle nageslag ’n land sou gee en hulle God sou wees. Hulle lyding raak Hom omdat Hy getrou is.God is heeltyd aan die werk. Hy het hulle gehelp om te groei in getalle en die planne van die Egiptiese heerser gestuit. Selfs Moses se besluit om dinge op sy eie manier te doen, het nie God se planne gestuit nie. God dink aan ons. Hy dink nie net aan ons nie. Hy hou sy beloftes. In Christus het God getoon dat ons swaarkry Hom nie verbygaan nie. Hy het een van ons geword. Hy is daar wanneer ons ly. Hy is in ons situasie betrokke.

Bybelse wysheid

Kommentaar

Republikein 2025-08-08

Meld asseblief aan om kommentaar te lewer

Bybelse wysheid

Kommentaar

Republikein 2025-08-08

Meld asseblief aan om kommentaar te lewer

MELD AAN

Advertensie