Bybelse wysheid

DR. ANNES NELEksodus 2:15: “Toe dit by die farao uitkom, wou hy vir Moses laat doodmaak, maar Moses het van hom af weggevlug en in Midian gaan woon.”Coenie Burger skryf mense pas maklik by nuwe situasies aan wanneer dinge nie volgens plan verloop nie. Dan vergeet ons vinnig God se plan vir ons lewens. Ons vergeet dan ook van mekaar.Moses wou reg en geregtigheid handhaaf. Hy kon nie toekyk hoe sy mense ly (2:11) of onder mekaar baklei nie (2:14). Hy het selfs vir die dogters van die priester van Midian opgestaan (2:17). Hy was ’n goeie man.Moses was egter ook ’n lafaard. Toe hy besef die koning het gehoor dat hy iemand doodgemaak het, het hy paniekerig geraak en gevlug. Dis in skrille kontras met die vroedvroue, wat standvastig in hul geloof gebly het en aangehou het om te doen wat hulle moes. Dit beklemtoon Moses se kwesbaarheid as ’n mens soos ons. Die tragedie is Moses se eie mense word nou aan hulself oorgelaat. Moses se gevoel van meerderwaardigheid het so gegroei hy het die belangrikheid van sy mense vergeet. Ons is geneig om te vlug wanneer dinge te moeilik raak. Tog het God steeds ’n roeping vir ons in sulke omstandighede. Ek weet dis moeilik en soms kan ons dit nie meer verduur nie. Moses, die koning se kind, het ’n vlugteling geword. Tog het God hom gebruik. Dit gee ons moed vandag.Here, dankie dat U ons gebruik ten spyte van ons kwesbaarheid. Amen.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.