Bybelse wysheid

DR. ANNES NELEksodus 2:12: “Nadat Moses rondgekyk het en niemand gewaar het nie, het hy die Egiptenaar doodgeslaan en hom onder sand toegekrap.”Iemand skryf dat nasionalisme en patriotisme mense doodmaak, maar geloof nooit. Geloof wag op God.Moses het in die Egiptiese koninklike huishouding grootgeword. Wat ’n bevoorregte en invloedryke posisie! Hy het alles gehad. Hoekom sou hy sy mense wou help? Tog wou hy dit doen.Op hierdie punt van die verhaal was Moses egter nie die ideale persoon vir God se plan nie. Hy het ’n Egiptenaar doodgemaak en die liggaam in die geheim begrawe (2:12).Ons kan verstaan hoekom hy dit gedoen het. Sy eie mense het gely (2:11). Alhoewel hy gedink het hy doen die regte ding, was sy eie mense nie beïndruk nie (2:13,14).God het ’n plan gehad, maar ons kan maklik vergeet hoe Moses se temperament hierdie plan kon verongeluk. Moses werk teen God se plan in plaas daarvan om op die Here te wag. Hy het probeer om dinge self reg te stel. En toe hy bekommerd was dat iemand sou uitvind wat hy gedoen het, het hy weggehardloop.Deur God se genade verhoed menslike struikelblokke nie dat die Here sy beloftes nakom nie. Wat ’n wonderlike God het ons! Ten spyte van Moses en ons, is God steeds in beheer.Here van genade, vergewe my vir die kere dat ek sake in my eie hande geneem het. Help my om op U te wag. Amen.

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.