Bybelse wysheid
DR. ANNES NEL
Romeine 8:32: “Hy het sy eie Seun nie gespaar nie, maar Hom oorgelewer om ons almal te red. Sal Hy dan nie al die ander dinge saam met Hom uit genade skenk nie?”
Op die hooglande van die Nuwe Testament, het iemand gesê, lê hierdie gedeelte op die hoogste heuwel. Vir my is Romeine 8:31-39 die mees vertroostende deel van die Bybel.
Dit verseker my God gee so baie vir my om dat Hy in my skoene kom staan het. Veranderende omstandighede kan hierdie versekering nie beïnvloed nie, want dit staan vas op die kruis van Jesus. God het my sondes volkome vergewe (8:33-34). Wanneer die duiwel of ander my aan my sonde herinner en probeer om my te oortuig dat my lyding ’n straf of vloek is, wys ek na die kruis – die teken van God se vergifnis en oorwinning.
As die magte rondom my, of selfs binne my, dreig om my te oorweldig, kyk ek na Jesus. Hy het opgestaan, regeer oor alle magte en tree vir my in aan die regterhand van God. Wanneer omstandighede my probeer oortuig dat God my verlaat het, kyk ek na Jesus. Selfs die ergste dinge wat gebeur, kan nie die band van God se liefde verbreek nie (8:36-39). Niks – nie eens ’n onsekere toekoms nie – kan ons van God se liefde skei nie. Dit is die Evangelie! Jy mag dit glo!
Vader, ek prys U, want niks kan my van U losruk nie. Amen.
Romeine 8:32: “Hy het sy eie Seun nie gespaar nie, maar Hom oorgelewer om ons almal te red. Sal Hy dan nie al die ander dinge saam met Hom uit genade skenk nie?”
Op die hooglande van die Nuwe Testament, het iemand gesê, lê hierdie gedeelte op die hoogste heuwel. Vir my is Romeine 8:31-39 die mees vertroostende deel van die Bybel.
Dit verseker my God gee so baie vir my om dat Hy in my skoene kom staan het. Veranderende omstandighede kan hierdie versekering nie beïnvloed nie, want dit staan vas op die kruis van Jesus. God het my sondes volkome vergewe (8:33-34). Wanneer die duiwel of ander my aan my sonde herinner en probeer om my te oortuig dat my lyding ’n straf of vloek is, wys ek na die kruis – die teken van God se vergifnis en oorwinning.
As die magte rondom my, of selfs binne my, dreig om my te oorweldig, kyk ek na Jesus. Hy het opgestaan, regeer oor alle magte en tree vir my in aan die regterhand van God. Wanneer omstandighede my probeer oortuig dat God my verlaat het, kyk ek na Jesus. Selfs die ergste dinge wat gebeur, kan nie die band van God se liefde verbreek nie (8:36-39). Niks – nie eens ’n onsekere toekoms nie – kan ons van God se liefde skei nie. Dit is die Evangelie! Jy mag dit glo!
Vader, ek prys U, want niks kan my van U losruk nie. Amen.
Kommentaar
Republikein
Geen kommentaar is op hierdie artikel gelaat nie