Bybelse wysheid

DR. ANNES NELHebreërs 12:23-24: “Julle het gekom by God, wat Regter oor almal is, en by die geeste van dié wat vrygespreek en nou volmaak is, by Jesus, die Middelaar van die nuwe verbond, en by die besprinkelingsbloed wat van iets beter getuig as die bloed van Abel.”Die gedagte aan die laaste oordeel maak baie mense bang. Dis egter nie ’n bedreiging vir Christene nie. Ons Regter is ook ons Middelaar. Hy het die vloek van my sonde weggeneem deur in my plek aan die kruis te sterf.Die skrywer van Hebreërs beklemtoon ons het nou deel aan ’n feestelike byeenkoms in die nuwe Jerusalem. Almal wat verlos is, is daar. Dit is omdat die Regter die veroordeeldes vrygespreek het op grond van die besprinkeling van Christus se bloed. Die doop getuig van hierdie werklikheid. Abel se bloed het tot God in die hemel geroep. Dit was bloed van veroordeling. Jesus se bloed getuig ook voor God, maar hierdie keer as ’n waarborg van ons vryspraak.Glo jy in Jesus, jou Verlosser? As jy glo, kan jy ontspan oor die oordeelsdag. Jy is verlos, nie op grond van die kwaliteit van jou lewe nie, maar op grond van die volmaakte offer wat Christus vir jou gebring het. Jou naam is in die hemel opgeskryf. Dit is hoe God jou ken. Jy deel in die koninkryk wat nie weggeneem kan word nie (Hebreërs 12:28).Vader, dankie dat U my die ewige lewe gegee het. Amen.

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.