Bybelse wysheid

DR. ANNES NELEksodus 2:10: “Sy het hom Moses genoem, ‘want,’” het sy gesê, “ek het hom mos uit die water gehaal.”God werk soms op vreemde maniere om sy plan in werking te stel, maar Hy verlaat nooit die mense wat Hy liefhet nie. Die verhaal van Moses illustreer dit. Sy geboorte is in skerp kontras met die bevel in Eksodus 1:22, wat die dood van alle pasgebore Hebreeuse seuns beveel het.Moses word in die Nyl geplaas, nie om te verdrink nie, maar om in ’n mandjie gered te word. Die Hebreeuse woord wat as “mandjie” vertaal word, is dieselfde woord as Noag se ark. God beskerm en red. Moses is uit die dood gered en word die instrument waardeur God die Israeliete uit Egipte bevry.’n Onverwagte element kom ook na vore. Vroeër laat God die Hebreeuse volk groei, te midde van hul swaarkry. Toe Hebreeuse seuns by geboorte doodgemaak moes word, het vroedvroue Farao mislei en hulle lewens gewaag om hulle te red. Soos die verhaal ontvou, word selfs die Nyl ’n instrument van verlossing. Farao se dogter het onwetend ’n agent van God se plan geword. Sy het hom aangeneem. Hy het met kennis van Egipte grootgeword – gereed om God se volk na vryheid te lei.Hierdie verhaal herinner ons daaraan dat God soewerein is, selfs wanneer omstandighede chaoties lyk. Sy planne ontvou subtiel en onverwags. Ons kan Hom vertrou!Here, maak my oë oop om U hand in die alledaagse lewe te sien. Amen.

Bybelse wysheid

Kommentaar

Republikein 2025-09-18

Meld asseblief aan om kommentaar te lewer

Bybelse wysheid

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie