Bybelse wysheid

DR. ANNES NELRomeine 8:33: “Wie kan die uitverkorenes van God aankla? God self spreek hulle vry.”Ons staan in die beskuldigdebank. Die Regter het al die bewyse om ons skuldig te bevind en te veroordeel. Ons is skuldig en verdien die dood. Mense herinner ons ook voortdurend aan ons verlede. Die duiwel hou daarvan as ons vasgeketting aan ons verlede is. Hy weet dat ons verlede ons dikwels verlam en verhoed om die Here voluit te dien.Ons Regter is nie soos mense en die duiwel nie. Jesus Christus, die Advokaat, verdedig ons saak. Hy het die straf wat ons verdien het, in ons plek gedra. As Oorwinnaar oor die dood, staan Hy voor God met die betaalde rekening van ons skuld.En dan kom die uitspraak: God spreek ons vry! Die Regter aanvaar die pleidooi van die Voorspraak. God se kinders word nie meer veroordeel nie (Romeine 8:1). Ons loop vry uit die hofsaal.Is jy bang vir die straf van God? Ons moet almal voor die regterstoel van God staan. Tog kan ons daar staan sonder vrees. Die Regter op die troon het ons reeds vrygespreek, want ons Advokaat het die prys betaal! ’n Ou belydenis uit die 17de eeu sê ons word vertroos deur die wederkoms. Ons verwag dieselfde Persoon uit die hemel – die Een wat voorheen in my plek voor die regterstoel van God gestaan het en al die vloeke van my sonde gedra het. Wat ’n troos!Here, dankie vir u mooi genade. Amen.

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Bybelse wysheid

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.