Bybelse wysheid
Dr. ANNES NEL
Hebreërs 9:14: “Hoeveel te meer sal die bloed van Christus ons gewete bevry van die las van dade wat tot die dood lei, sodat ons die lewende God kan dien!”
As ons ’n onbetroubare ou kar gehad het en nou ’n nuwe een aangeskaf het, verlang ons nie na die oue nie. Om werklik te waardeer wat nuut is, is dit goed om die oue te onthou.
Dit is presies wat die outeur hier doen. Hy verwerp nie alles uit die tyd voor Christus nie. Hy verduidelik dit om die uitnemende betekenis van Christus te beklemtoon.
In die ou bedeling was daar ’n tent – die tabernakel – met aparte heilige en allerheiligste dele. Die binneste deel, die allerheiligste, het die ark van die verbond gehuisves. Dit het God se teenwoordigheid gesimboliseer. Gerubs op die ark het God se troon verteenwoordig. Slegs die hoëpriester kon een keer per jaar ingaan. Selfs hy het dit met groot versigtigheid gedoen, omdat hy geweet het hy was ’n sondige man.
Hoekom noem die outeur dit? Die weg na God was vir gewone mense gesluit. Boonop kon die ou verbond slegs uiterlik reinig. Dit kon nie die gewete werklik suiwer of sonde ten volle verwyder nie. Dit het nooit volkome vergifnis of ware verlossing gebied nie.
Die ou stelsel kon ons nie red nie. Christus is beter! Christus is die beste! Ons het die ou stes nie meer nodig nie. Wat ’n Verlosser!
Here, dankie dat U vir ons die beste in Jesus Christus, ons Here, gee. Amen
Hebreërs 9:14: “Hoeveel te meer sal die bloed van Christus ons gewete bevry van die las van dade wat tot die dood lei, sodat ons die lewende God kan dien!”
As ons ’n onbetroubare ou kar gehad het en nou ’n nuwe een aangeskaf het, verlang ons nie na die oue nie. Om werklik te waardeer wat nuut is, is dit goed om die oue te onthou.
Dit is presies wat die outeur hier doen. Hy verwerp nie alles uit die tyd voor Christus nie. Hy verduidelik dit om die uitnemende betekenis van Christus te beklemtoon.
In die ou bedeling was daar ’n tent – die tabernakel – met aparte heilige en allerheiligste dele. Die binneste deel, die allerheiligste, het die ark van die verbond gehuisves. Dit het God se teenwoordigheid gesimboliseer. Gerubs op die ark het God se troon verteenwoordig. Slegs die hoëpriester kon een keer per jaar ingaan. Selfs hy het dit met groot versigtigheid gedoen, omdat hy geweet het hy was ’n sondige man.
Hoekom noem die outeur dit? Die weg na God was vir gewone mense gesluit. Boonop kon die ou verbond slegs uiterlik reinig. Dit kon nie die gewete werklik suiwer of sonde ten volle verwyder nie. Dit het nooit volkome vergifnis of ware verlossing gebied nie.
Die ou stelsel kon ons nie red nie. Christus is beter! Christus is die beste! Ons het die ou stes nie meer nodig nie. Wat ’n Verlosser!
Here, dankie dat U vir ons die beste in Jesus Christus, ons Here, gee. Amen
Kommentaar
Republikein
Geen kommentaar is op hierdie artikel gelaat nie