Bybelse wysheid

DR. ANNES NELHebreërs 8:10: “Dít is nou die verbond wat Ek met Israel na daardie dae sal sluit. . . Ek sal hulle my wette in die verstand gee, op hulle harte sal Ek dit skrywe; Ek sal hulle God wees, en hulle sal my volk wees.”Enigeen wat hierdie brief in die eerste eeu sou lees, sou Jeremia 31 in die agtergrond gehoor het. In Jeremia se tyd het die Babiloniërs Judea verower en die tempel vernietig. Jeremia het egter ’n toekoms van herstel en vernuwing gesien. In Hebreërs se tyd was die Romeine in beheer. Die tempel is weer vernietig. Die eksterne godsdiens, wat fokus op offers en rituele, het aansienlike skade gely.In hierdie konteks beklemtoon die skrywer God se nuwe verbond. Dit is deur Jesus Christus vervul. Die nuwe verbond vervang die oue. Die mense kon dit nie nakom nie. Dit het gelei tot God se straf. Omdat hulle die verbond verbreek het, moes God van voor af begin. Hierdie nuwe verbond is anders. Dit verander ons van binne af. God se wette is op ons harte en gedagtes geskryf.God het net liefdevolle bedoelings vir ons deur Jesus. Deur Jesus is God se beloftes van genade, vergifnis en ’n persoonlike verhouding reeds vervul. Dit gee sekerheid en hoop. God se wonderlike beloftes dat Hy ons God en ons sy eiendom is, is reeds waar gemaak vir almal wat in Jesus glo.Dankie dat ek U nou persoonlik ken, dat my sondes vergewe is en u liefde my lewe verander. Amen.

Bybelse wysheid

Kommentaar

Republikein 2026-02-03

Meld asseblief aan om kommentaar te lewer

Bybelse wysheid

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.