Bybelse wysheid

DR. ANNES NEL2 Korintiërs 7:11: “Kyk net wat die ervaring van droefheid volgens die wil van God aan julle gedoen het. Nou is daar by julle erns; meer nog, daar is verantwoording, verontwaardiging, ontsag, verlange, ywer en bestraffing van die kwaad.”Paulus se vermiste “tranebrief” (2:4; 7:8) het die Korintiërs hartseer gemaak. Die gespanne verhouding tussen Paulus en Korinte was sleg vir hom. Hy wou hulle weer besoek, maar sy pogings is gedwarsboom. Gevolglik het sommige mense hom belaster en hom as ’n apostel sonder gesag afgemaak.Paulus het onder geweldige druk in Masedonië aangekom (7:5), maar Titus se aankoms het alles verander. Titus het goeie nuus gedeel: die mense van Korinte was gretig om hom te sien, het nou ’n ander perspektief gehad en sommige teëstanders het selfs Paulus se gesag verdedig.Ten spyte van die hartseer wat die brief veroorsaak het, het God sy doel bereik. Hulle lewe en gesindheid het verander (7:11). Paulus se kritiek het tot ’n verantwoordelike lewe voor die Here gelei. Dit het Paulus trots op hulle gemaak (7:14).Slegs opregte gesprekke tussen individue kan problematiese verhoudings oplos. Deur werklik na mekaar se harte te luister, kan ons pynlike waarhede oor onsself ontdek. Die gevolge is dikwels positief. Dit kan ons gesindhede verander, nuwe verhoudings vestig en volgens God se wil laat lewe.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.