Bybelse wysheid

DR. ANNES NELEsegiël 18:4: “Dit is die mens wat sondig, wat sal sterf.”Ek het gesels met ’n ongetroude jong vrou wat haar oortuiging oor ’n familievloek gedeel het. Sy het geglo sy en haar twee susters is ongetroud omdat iets verskrikliks in vorige geslagte moes gebeur het. Sommige Christene glo dit. Hulle glo dikwels hul huidige stryd is die gevolg van bose voorouers.Esegiël bied egter ’n ander perspektief. In Eksodus lees ons kinders kan ly as gevolg van die sondes van hul voorouers. Esegiël sê egter hulle sondes tel nie teen ons nie. God gee aan die mees hopelose persoon ’n nuwe begin. Almal het die geleentheid om na die Here terug te keer.Esegiël verwerp die idee dat ons ly as gevolg van vorige geslagte. Elke enkele persoon is verantwoordelik voor God. Ons neem verantwoordelikheid vir ons dade. Esegiël 18:5-9 maak ’n lys van wat dit beteken om ’n lewe voor God te lei: doen reg en geregtigheid, dien God met ’n onverdeelde hart en leef in harmonie met jou medemens.God se genade raak nie op nie. Hy hou aan om mense te roep om die nuwe begin wat Hy gee, te aanvaar. Daar is hoop vir almal, ongeag wat in die verlede of vorige geslagte gebeur het. In Christus is die vloek opgehef (Galasiërs 3:13).Here, bevry my van die verlede en wys my u onvoorwaardelike genade. Amen.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.