Bybelse wysheid

DR. ANNES NELEsegiël 34:2: “Ellende wag vir die herders van Israel wat net vir hulleself sorg!”As kinders het ons in die stories van Jakkals en Wolf geleer dat jakkalse slinks is. Ons is geleer ’n slinkse persoon kan soms ’n jakkals genoem word. Een eienskap van Jakkals was sy ambisie. Hy het daarin geslaag om vir homself die beste te verkry, dikwels ten koste van ander.Mense se ervarings met kerkleiers binne en buite die kerk is dikwels soortgelyk. Tog gebruik die profeet ’n ander beeld. Hy beskryf leiers as herders, wat die belangrike taak gehad het om vir God se mense te sorg. Ongelukkig het baie van hulle net hulle eie belange vooropgestel (34:3). As Esegiël vandag geleef het sou die leiers hom dalk gesien het as iemand wat skeuring veroorsaak omdat hy dié verwaarlosing aangespreek het.Die eiebelang van die herders het uiteindelik tot erge lyding gelei. Mense is verwaarloos en aan hulle eie lot oorgelaat (Esegiël 34:4). In die proses het baie in verkeerde hande beland (34:5-8).God het ons as Christene aangestel om herders vir ander te wees – nie jakkalse nie. Ons eie belange mag nooit die omgee vir ander oorskadu nie. As dit gebeur, draai ons ons rug op God se mense en laat ons hulle aan die roofdiere oor (34:7). Die ergste is dat ons dan self deel word van die roofdiere wat ons veroordeel.Here, gee ons medelye vir mense wat U sorg nodig het. Amen.

Bybelse wysheid

Kommentaar

Republikein 2026-02-03

Meld asseblief aan om kommentaar te lewer

Bybelse wysheid

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.