Bybelse wysheid

DR. ANNES NELEksodus 1:19: “Die Hebreeuse vrouens is nie soos dié van Egipte nie; hulle is sterk van gestel: voordat die vroedvrou by hulle kom, is die kind al gebore.”Die vroue in hierdie storie het ’n blywende invloed op die geskiedenis gehad. Destyds was vroue min of meer magteloos in die samelewing. Tog het dit hierdie vroue nie gekeer nie. Hulle het teen die onreg van slawerny opgestaan en ’n dapper stap geneem wat alles sou verander. Hulle het die Egiptiese heerser se bevele verontagsaam en die Hebreeuse seuns laat lewe. Kan jy jou die moed voorstel wat dit verg?Die Egiptiese heerser was nie gelukkig oor wat gebeur het nie. Hy het ’n verduideliking geëis. Hulle het hom ’n belaglike storie vertel en beweer die Hebreeuse vroue was sterker as Egiptiese vroue en dat hulle geboorte geskenk het voordat hulle opgedaag het.Die koning het hulle geglo! Dis soos ’n goddelike grap. Hierdie vroue, wat in die samelewing min of meer magteloos was, het daarin geslaag om die groot en magtige farao van Egipte te mislei.Hierdie verhaal is ’n goddelike komedie – Hy verdra die Egiptiese leier, maar verhoed hom om beheer te neem. Dis ’n verhaal waarin die Here se mense die Egiptiese planne ondermyn en sy plan in werking stel.Wanneer ons opstaan vir wat reg is omdat ons God dien, kan ons meer verwag as wat ons ooit kan dink. Ons krag mag dalk beperk wees, maar God se wil sál geskied!Here, laat ons opstaan vir geregtigheid. Amen.

Bybelse wysheid

Kommentaar

Republikein 2025-09-18

Meld asseblief aan om kommentaar te lewer

Bybelse wysheid

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie