Bybelse wysheid

DR. ANNES NEL]Eksodus 1:17: “. . . die vroedvroue het God gedien en nie gemaak soos die Egiptiese koning hulle beveel het nie: hulle het die seuntjies laat lewe.”God werk deur mense. Dis opvallend dat vroue die planne van die farao ondermyn. In ’n tyd toe hulle geen mag gehad het nie, het hulle die toekoms van Israel bepaal! In plaas daarvan om ’n immorele orde te ondersteun, het hulle getrou gebly aan God en die planne van die staat deur burgerlike ongehoorsaamheid te ondermyn.Die farao het gesien dat slawerny nie die oplossing is nie. Toe bedink hy ’n nuwe plan: maak alle babas dood by geboorte (1:16). Die vroedvroue moes dit doen. Ons weet nie of dit Egiptiese of Hebreeuse vroue was nie. Miskien het God selfs mense uit die farao se eie nasie gebruik om sy planne te ondermyn. Die Here het die laaste sê.Ek kan my voorstel dat die Israeliete wat later hierdie storie gelees het, dalk gelag het. Dit klink amper soos ’n komedie – die magtige koning se groot planne werk nie wanneer God aan die werk is nie. Die farao glo hy het alles onder beheer, maar hy besef nie dat die Here eintlik in beheer is nie (sien Psalm 2).God werk deur mense op onverwagse maniere. Moenie sy vermoë onderskat om deur die geringste mense te werk nie. Maak vandag jou oë oop vir God se alternatiewe maniere om sy planne te vervul.Here, dankie dat U deur eenvoudige mense soos ons werk. Amen.

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Bybelse wysheid

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.