Bybelse wysheid

DR. ANNES NELEksodus 1:14: “Die Egiptenare het... die lewe vir hulle bitter gemaak deur swaar werk met klei en bakstene en deur allerhande werk in die lande. Hulle moes onder dwang al die slawewerk vir Egipte doen.”Een van die belangrikste dinge wat Israel geleer het, was dat hulle nie in ’n goeie posisie was toe God hulle uit Egipte gelei het nie. Hulle was slawe. Hulle bevryding uit Egipte is dus ’n nóg groter wonderwerk.Die Farao se plan was eenvoudig: harde werk sou hulle energie belemmer om kinders te hê. Hy het hulle gedwing om in steengroewe te werk en stede te bou (1:11). Hulle lewe was bitter (1:13,14). Hoe uitgeput moes hulle nie gewees het in die versengende hitte van Egipte nie! Die gedeelte is vol woorde wat hul situasie beskryf: “dwangarbeid”, “slawedrywers”, “onderdruk”, “bitter” en “dwang” (1:13,14).Wat het gebeur? Hierdie plan het nie God se plan belemmer nie. Die Israeliete het aanhou vermeerder en die Egiptenare het bang vir hulle geword (1:12). God se seën verdwyn nie wanneer hulle ly nie. Spreuke sê: “’n Mens kan sy voornemens hê, maar die laaste woord daaroor kom van die Here af” (16:1).Dis nie die heersers en hul planne wat die finale woord het nie, maar God se beloftes en getrouheid. Jy kan vandag die getroue Here vertrou vir sy seën, ten spyte van jou omstandighede.Here, dankie dat U seën nie deur mense vernietig kan word nie. Amen.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.