Bybelse wysheid

DR. ANNES NELKolossense 3:1: “Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit.”George Müller was die stigter van talle liefdadigheidsorganisasies. Iemand het aan hom gevra wat die geheim van sy lewe was. Sy antwoord was: “Daar was ’n dag toe ek gesterf het – gesterf het aan George Müller, sy opinies, voorkeure, smaak en wil; gesterf het aan die wêreld se goedkeuring of afkeuring – selfs van my broers en vriende. Al wat sedertdien tel, is of God dit goedkeur.”Een van die kerntemas van die brief aan die Kolossense draai om Christus se posisie aan die regterhand van God. Dit verwys na sy heerskappy en goddelike gesag. Dis ’n geweldige vertroosting in moeilike tye. Paulus beklemtoon dat ons lewens veilig is, “saam met Christus verborge in God” (3:2). Ons hoef nie meer bang te wees vir magte nie. Ons behoort aan die Here.Christus se dood en opstanding gee ons hierdie sekerheid. Deur God se genade is ons in geloof met Christus verenig. Soos Hy gesterf en weer opgestaan het, so het ons ook gesterf en deel ons in ’n nuwe lewe. Ons leef in afwagting om in sy heerlikheid te deel (3:1-4).Aangesien ons nie meer ons verlossing hoef te verdien nie, kan ons al ons tyd wy aan wat werklik vir Hom op aarde saak maak. Daar is geen rede waarom ons dit nie kan doen nie, want Christus leef in ons!Here, ek leef vir U. Amen.

Bybelse wysheid

Kommentaar

Republikein 2025-12-26

Meld asseblief aan om kommentaar te lewer

Bybelse wysheid

Kommentaar

Republikein 2025-12-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.