Bybelse wysheid

DR. ANNES NELHandelinge 2:4: “Almal is met die Heilige Gees vervul. . .”Pinksterdag, toe die Heilige Gees uitgestort is, was nie sonder probleme nie. Daar was dadelik ’n paar vrae. Petrus moes verduidelik dat wat hier gebeur het, reeds in die Ou Testament belowe is. Dit was alles deel van God se groot plan van die begin af.Ná Jesus se opstanding het Hy rondgegaan en Homself aan mense gewys. Hy het toe na die hemel opgevaar en sy mense agtergelaat. Hy is die Here, maar hulle het vertroosting nodig gehad. Wel, net tien dae ná sy hemelvaart het Hy sy Gees aan die kerk gegee.’n Ou belydenis som op wat die hemelvaart van Jesus vir ons beteken: Eerstens, dat Hy in die hemel is as ’n voorstander by die Vader. Tweedens, dat Hy in die hemel ’n betroubare waarborg is. As Hoof waarborg Hy dat Hy ons ook na Hom toe sal neem. Derdens, dat Hy Sy Gees na ons stuur as ’n waarborg. Deur die Gees se krag soek ons die hemelse dinge, waar Christus aan die regterhand van God sit.Die Gees is op Pinkster uitgestort. Elkeen wat in Jesus Christus glo, het die Gees ontvang. Hy stel ons in staat om Christus te sien vir wie Hy is: die Here oor alle magte! Meer as dit: die Gees is die waarborg dat God sal doen wat Hy belowe het.Gees van God, dankie dat U my lewe met visie en vertroosting vul! Amen.

Bybelse wysheid

Kommentaar

Republikein 2025-12-23

Meld asseblief aan om kommentaar te lewer

Bybelse wysheid

Kommentaar

Republikein 2025-12-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.