Bybelse wysheid

DR. ANNES NELHebreërs 13:7: “Dink aan julle voorgangers wat die woord van God aan julle verkondig het. Let op hulle lewenswandel tot die einde toe en volg die voorbeeld van geloof wat hulle gestel het.”Ek onthou my Sondagskool-oom. Hy was ’n man van geloof. Dit was duidelik dat hy die Here liefgehad het. Hy het my geloof versterk. Ek is so dankbaar daarvoor. Op ons geloofsreis gebruik God gewone mense om ons geloof te voed, te versterk en te bou.Die pad van geloof is nie altyd maklik nie, maar God gee mense aan ons wat nie net die woord van God verkondig nie, maar dit ook met integriteit uitleef. Neem byvoorbeeld die leiers in Hebreërs. Hulle was waarskynlik reeds dood, miskien as gevolg van hul geloof. Hulle het tot die einde toe volhard. Hulle onwrikbare toewyding was inspirerend. Hulle is soos die mense wat in Hebreërs 11 genoem word.Hierdie gedeelte spreek my op twee vlakke aan. Eerstens: mense wat glo, is baie belangrik in ons geloofslewe. Hulle voorbeeld en deursettingsvermoë inspireer ons. Ons kan soveel by hulle leer. Ons moet altyd vir ons leiers in geloof bid (13:18,19). Tweedens: almal wat ander leer, moet die groot verantwoordelikheid wat met hierdie rol gepaardgaan, verstaan. Wanneer ons God se Woord aan mense bring, moet ons met integriteit lewe. As ons van die regte pad afdwaal, beïnvloed dit mense wat die geloofspad saam met ons stap.Gees van God, gee ons groter getrouheid en liefde vir U. Amen.

Bybelse wysheid

Kommentaar

Republikein 2025-07-01

Meld asseblief aan om kommentaar te lewer

Bybelse wysheid

Kommentaar

Republikein 2025-07-01

Meld asseblief aan om kommentaar te lewer

MELD AAN

Advertensie