Bybelse wysheid
DR. ANNES NEL
Hebreërs 13:1: “As broers moet julle mekaar altyd liefhê.”
Wat is liefde? Hier praat die brief oor vier verskillende gesigte van liefde: liefde vir medegelowiges, vir mense wat gasvryheid nodig het, vir mense in die tronk of wat mishandel word en liefde in die huwelik.
Daar is ’n duidelike verband tussen Hebreërs 13 en Matteus 25:31-46. Jesus praat oor hoe mense leef wanneer hulle God ken en hoe hulle leef wanneer hulle Hom nie ken nie. Die mense wat God geken het, was diegene wat vir mekaar omgegee het.
Daar is drie groot ooreenkomste tussen hierdie bybelgedeeltes. Eerstens sê Jesus dat Hy in die tronk was en dat mense Hom kom besoek het (Matteus 25:36). Ons moet onsself in dieselfde situasie voorstel en probeer verstaan hoe ons mense wat hierdeur ly, kan help. Tweedens sê Jesus dat Hy ’n vreemdeling was en gasvryheid beleef het (Matteus 25:35-36). Wanneer die skrywer van Hebreërs hieroor praat, sê hy dat ons onwetend engele kan huisves wanneer ons gasvryheid betoon – soos Abraham gedoen het. Derdens sê Jesus dat wanneer ons ons medemens liefhet, ons Hom dien (Matteus 25:40).
Moeder Teresa het gesê dat ons aan mense wat liefde en deernis nodig het, moet wys dat ons werklik vir hulle omgee. Wie is hulle? Hulle is Jesus self, verberg in die vorm van mense wat ly.
Hebreërs 13:1: “As broers moet julle mekaar altyd liefhê.”
Wat is liefde? Hier praat die brief oor vier verskillende gesigte van liefde: liefde vir medegelowiges, vir mense wat gasvryheid nodig het, vir mense in die tronk of wat mishandel word en liefde in die huwelik.
Daar is ’n duidelike verband tussen Hebreërs 13 en Matteus 25:31-46. Jesus praat oor hoe mense leef wanneer hulle God ken en hoe hulle leef wanneer hulle Hom nie ken nie. Die mense wat God geken het, was diegene wat vir mekaar omgegee het.
Daar is drie groot ooreenkomste tussen hierdie bybelgedeeltes. Eerstens sê Jesus dat Hy in die tronk was en dat mense Hom kom besoek het (Matteus 25:36). Ons moet onsself in dieselfde situasie voorstel en probeer verstaan hoe ons mense wat hierdeur ly, kan help. Tweedens sê Jesus dat Hy ’n vreemdeling was en gasvryheid beleef het (Matteus 25:35-36). Wanneer die skrywer van Hebreërs hieroor praat, sê hy dat ons onwetend engele kan huisves wanneer ons gasvryheid betoon – soos Abraham gedoen het. Derdens sê Jesus dat wanneer ons ons medemens liefhet, ons Hom dien (Matteus 25:40).
Moeder Teresa het gesê dat ons aan mense wat liefde en deernis nodig het, moet wys dat ons werklik vir hulle omgee. Wie is hulle? Hulle is Jesus self, verberg in die vorm van mense wat ly.
Kommentaar
Republikein
Geen kommentaar is op hierdie artikel gelaat nie