Bybelse wysheid
DR. ANNES NEL
Hebreërs 10:36: “Volharding is wat julle nodig het om die wil van God te doen en te ontvang wat Hy beloof het.”
Marathons is moeilik. Mens wil dikwels tou opgooi tydens die wedloop. Dan neem die drang om klaar te maak oor.
In Hebreërs 10:37 haal die outeur aan uit Habakuk 2:3-4. Habakuk het by God gekla oor al die lyding wat hulle onder die vyande deurgemaak het. Toe kom die Here se antwoord. Hy ken sy mense. Hy sal sy kinders, die regverdiges, nie los nie, al gaan hulle deur moeilike tye.
Hierdie boodskap was belangrik vir die lesers. Hulle is dikwels openlik beledig en bespot, in die tronk gegooi en wou soms moed opgee. Daarom het hulle ’n intense behoefte gehad dat die Here gou sou kom en hulle uit die gemors sou red. God is getrou. Hy sal hulle nie teleurstel nie, net soos in Habakuk se tyd. Hulle moet net aanhou om die regte ding te doen. Die Here sal kom. Daar is ’n beloning wat wag. God sal dit deur sy genade gee.
In Hebreërs 11 word die een naam na die ander genoem van mense wat deur God se genade volhard het, selfs toe dinge moeilik geword het. Hulle was nie helde van geloof nie. Hulle was mense soos ons. Hulle het volhard omdat hulle geweet het God is getrou.
Hebreërs 10:36: “Volharding is wat julle nodig het om die wil van God te doen en te ontvang wat Hy beloof het.”
Marathons is moeilik. Mens wil dikwels tou opgooi tydens die wedloop. Dan neem die drang om klaar te maak oor.
In Hebreërs 10:37 haal die outeur aan uit Habakuk 2:3-4. Habakuk het by God gekla oor al die lyding wat hulle onder die vyande deurgemaak het. Toe kom die Here se antwoord. Hy ken sy mense. Hy sal sy kinders, die regverdiges, nie los nie, al gaan hulle deur moeilike tye.
Hierdie boodskap was belangrik vir die lesers. Hulle is dikwels openlik beledig en bespot, in die tronk gegooi en wou soms moed opgee. Daarom het hulle ’n intense behoefte gehad dat die Here gou sou kom en hulle uit die gemors sou red. God is getrou. Hy sal hulle nie teleurstel nie, net soos in Habakuk se tyd. Hulle moet net aanhou om die regte ding te doen. Die Here sal kom. Daar is ’n beloning wat wag. God sal dit deur sy genade gee.
In Hebreërs 11 word die een naam na die ander genoem van mense wat deur God se genade volhard het, selfs toe dinge moeilik geword het. Hulle was nie helde van geloof nie. Hulle was mense soos ons. Hulle het volhard omdat hulle geweet het God is getrou.
Kommentaar
Republikein
Geen kommentaar is op hierdie artikel gelaat nie