Bybelse wysheid

DR. ANNES NELLukas 12:15: “Pas op en wees op julle hoede vir elke vorm van gierigheid, want ’n mens se lewe is nie afhanklik van die oorvloed van sy besittings nie.”Die gelykenis van die ryk dwaas is oor iemand wat die punt in die lewe gemis het. Jesus onthul vinnig sy kernprobleem: gierigheid. Gierigheid en begeerte is nou verweef, soos twee kante van dieselfde muntstuk. “Die mens vir wie geld alles is, het nooit genoeg geld nie; die mens vir wie rykdom alles is, kry nooit genoeg nie.” (Prediker 5:9).Ons hoofprobleem is nie swak beplanning nie. Dis gierigheid – ’n onversadigbare begeerte na meer as wat ons het. Dit is die probleem in Lukas 12:13, waar broers oor erfenis stry. Jesus fokus nie op die oppervlakkige probleem nie. Hy plaas sy vinger op die dieperliggende een: ons gierige harte verhinder ons om aan ander te gee wat hulle toekom. Wanneer ons lewe om werk, besittings of status draai, sal ons nooit tevrede wees nie. Hierdie denkwyse het begin posvat in ons samelewing – ’n meedoënlose gejaag na meer besittings, meer rykdom, groter sekuriteit, groter huise, meer grond en beter geleenthede.Dwarsdeur die Evangelie van Lukas sien ons hoe rykdom en besittings mense kan verhinder om Jesus te volg (Lukas 18:18-25; 14:25-33; 14:18-19). Materiële dinge kan hindernisse vir dissipelskap word. Die kernprobleem is nie materiële besittings self nie, maar die gierigheid wat ons kan verslaaf.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.