Bybelse wysheid

DR. ANNES NELKolossense 4:6: “Wat julle sê, moet altyd vriendelik wees en van goeie smaak getuig.”Die Russiese skrywer Dostojewski vertel van ’n droom van iemand wat in ’n gemeenskap is waar niemand jok nie en harmonie heers. Toe vertel een persoon ’n leuen. Vrede het in chaos verander.Hierdie verhaal beklemtoon hoe belangrik die waarheid is. Leuens vernietig harmonie. Die Gees het ons van hierdie duisternis bevry en ons in ’n gemeenskap van gelowiges verenig waar die waarheid altyd moet floreer. Hier het leuens geen plek nie. Ons staan vir eerlikheid en verdedig die waardigheid en eer van ander. Ons gebruik woorde wat opbou en genees eerder as om af te breek. Wat ons sê, word deur die Gees bepaal en word ’n seën.Liefde is die bloed wat deur die liggaam van Christus vloei. Liefde is noodsaaklik vir alle geestelike gawes om betekenisvol te wees (1 Kor 13). Sonder liefde is selfs indrukwekkende gawes – tale, profesie, liefdadigheid – leeg. Jan Koopmans skryf dat ons woorde en dade ander se persoon, liggaam, besittings en reputasie kan benadeel. Liefde is bly oor die waarheid, nie oor ongeregtigheid nie. Die Negende Gebod daag ons uit: Kan God ons vertrou om die waarheid te vertel? Bly ons getrou aan Hom, selfs ten koste van ons eie voordeel? Die samelewing dring dikwels aan op stilte om konflik te vermy, maar volgelinge van Christus moet standvastig in die waarheid bly.

Bybelse wysheid

Kommentaar

Republikein 2025-08-04

Meld asseblief aan om kommentaar te lewer

Bybelse wysheid

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie