Bybelse wysheid
DR. ANNES NEL
Efesiërs 5:25: “Mans, julle moet julle vrouens liefhê soos Christus die kerk liefgehad en sy lewe daarvoor afgelê het.”
Daniël Louw herinner ons daaraan dat die huwelik meer is as net twee mense wat saamwoon. Ons doel in die huwelik is om Christus te verheerlik. Ons huwelik verteenwoordig die verhouding tussen Christus en sy kerk (Efesiërs 5:21-33). Wanneer ander ons huwelik sien, moet hulle ’n weerspieëling van hierdie verhouding sien. Wanneer ons na Christus se verhouding met sy kerk kyk, sien ons ’n model vir ons huwelik.
Ons verhouding help ander om Christus se liefde vir ons te sien – in die gemeenskap, in die gemeente en in ons gesinne. Onthou, voor elk van die Tien Gebooie kan ons die woorde herhaal: “Ek is die Here jou God, wat jou vrygemaak het.” Jesus het ons vrygemaak. Hy het sy lewe gegee vir sy bruid, die kerk (Efesiërs 5:25-27). Sy liefde, offer en diens van bevryding maak ons vry om Hom lief te hê en te dien.
Net so inspireer die liefde, selfopoffering en diens van ’n man aan sy vrou haar liefde en toewyding. God het ons van onsself vrygemaak. Die huwelik gaan nie oor selfsugtige belange nie, maar oor die diens aan ander. Deur dit te doen, weerspieël ons die gesindheid van Jesus Christus, wat ons deur sy liefde vrygemaak het. Ons huwelike word dan ’n getuienis van God se genade en liefde.
Efesiërs 5:25: “Mans, julle moet julle vrouens liefhê soos Christus die kerk liefgehad en sy lewe daarvoor afgelê het.”
Daniël Louw herinner ons daaraan dat die huwelik meer is as net twee mense wat saamwoon. Ons doel in die huwelik is om Christus te verheerlik. Ons huwelik verteenwoordig die verhouding tussen Christus en sy kerk (Efesiërs 5:21-33). Wanneer ander ons huwelik sien, moet hulle ’n weerspieëling van hierdie verhouding sien. Wanneer ons na Christus se verhouding met sy kerk kyk, sien ons ’n model vir ons huwelik.
Ons verhouding help ander om Christus se liefde vir ons te sien – in die gemeenskap, in die gemeente en in ons gesinne. Onthou, voor elk van die Tien Gebooie kan ons die woorde herhaal: “Ek is die Here jou God, wat jou vrygemaak het.” Jesus het ons vrygemaak. Hy het sy lewe gegee vir sy bruid, die kerk (Efesiërs 5:25-27). Sy liefde, offer en diens van bevryding maak ons vry om Hom lief te hê en te dien.
Net so inspireer die liefde, selfopoffering en diens van ’n man aan sy vrou haar liefde en toewyding. God het ons van onsself vrygemaak. Die huwelik gaan nie oor selfsugtige belange nie, maar oor die diens aan ander. Deur dit te doen, weerspieël ons die gesindheid van Jesus Christus, wat ons deur sy liefde vrygemaak het. Ons huwelike word dan ’n getuienis van God se genade en liefde.
Kommentaar
Republikein
Geen kommentaar is op hierdie artikel gelaat nie