Bybelse wysheid
DR. ANNES NEL
Eksodus 20:15: “Jy mag nie steel nie.”
Vryheid en verantwoordelikheid gaan hand aan hand. Hierdie gebod beteken ook om die waardigheid van elke persoon te beskerm. Christelike vryheid is die erkenning dat ander na God se beeld geskape is. Wanneer ons ander se menswaardigheid respekteer, weerspieël ons God se liefde en geregtigheid in ons lewens.
Die Bybel beklemtoon hierdie beginsel herhaaldelik. Byvoorbeeld, Levitikus 19 waarsku teen die mishandeling van die kwesbares: vroue, kinders, blindes, ouer mense en ouers. Dit is één ding om iemand se besittings te steel. Dit is totaal iets anders om hul menswaardigheid te steel. Die erns hiervan word beklemtoon deur die feit dat die ontvoering van ’n persoon met die dood gestraf moes word (Deuteronomium 24:7). Dit wys hoe waardevol die lewe en waardigheid van elke mens vir God is.
Die geskiedenis toon die tragiese gevolge wanneer menswaardigheid geïgnoreer word. Die gruwels van slawerny, kolonialisme, volksmoord en mensehandel is die gevolg daarvan dat mense as voorwerpe of gereedskap vir eie gewin gesien is.
Johan Cilliers noem ontvoering die mees demoniese vorm van diefstal. Dit vernietig hul menswees.
As volgelinge van Christus word ons geroep om alle vorme van diefstal — of dit nou eiendom, reputasie of menswaardigheid is — te verwerp. Ons vryheid in Christus dryf ons om ander teen uitbuiting te beskerm en hulle met respek en deernis te behandel.
Eksodus 20:15: “Jy mag nie steel nie.”
Vryheid en verantwoordelikheid gaan hand aan hand. Hierdie gebod beteken ook om die waardigheid van elke persoon te beskerm. Christelike vryheid is die erkenning dat ander na God se beeld geskape is. Wanneer ons ander se menswaardigheid respekteer, weerspieël ons God se liefde en geregtigheid in ons lewens.
Die Bybel beklemtoon hierdie beginsel herhaaldelik. Byvoorbeeld, Levitikus 19 waarsku teen die mishandeling van die kwesbares: vroue, kinders, blindes, ouer mense en ouers. Dit is één ding om iemand se besittings te steel. Dit is totaal iets anders om hul menswaardigheid te steel. Die erns hiervan word beklemtoon deur die feit dat die ontvoering van ’n persoon met die dood gestraf moes word (Deuteronomium 24:7). Dit wys hoe waardevol die lewe en waardigheid van elke mens vir God is.
Die geskiedenis toon die tragiese gevolge wanneer menswaardigheid geïgnoreer word. Die gruwels van slawerny, kolonialisme, volksmoord en mensehandel is die gevolg daarvan dat mense as voorwerpe of gereedskap vir eie gewin gesien is.
Johan Cilliers noem ontvoering die mees demoniese vorm van diefstal. Dit vernietig hul menswees.
As volgelinge van Christus word ons geroep om alle vorme van diefstal — of dit nou eiendom, reputasie of menswaardigheid is — te verwerp. Ons vryheid in Christus dryf ons om ander teen uitbuiting te beskerm en hulle met respek en deernis te behandel.
Kommentaar
Republikein
Geen kommentaar is op hierdie artikel gelaat nie