Bybelse wysheid

DR. ANNES NELEksodus 20:15: “Jy mag nie steel nie.”Sekuriteitsmaatskappye floreer. Byna elke huis het ’n alarmstelsel of ’n veiligheidsheining. Baie mense leef in voortdurende vrees vir hul veiligheid. Diefstal is ’n duidelike misdaad – verkeerd en onregverdig. Ons swaarverdiende besittings verdien beskerming.Kom ons kyk na die gebod teen diefstal. Dit is eenvoudig: moenie steel nie. Tog, soos Veldkamp skryf, is daar meer wat ons in gedagte moet hou. Hierdie gebod bring ons werk, spaargeld, besittings, belastingopgawes – alles – in God se teenwoordigheid. Dis soos om na sy kantoor genooi te word om rekenskap te gee. Tog, voordat Hy ons finansies bespreek, herinner Hy ons aan die grootste waarheid van ons lewe: “Ek is die Here jou God wat jou van slawerny bevry het.” Dis hoe die Tien Gebooie begin. Ons is nie meer slawe nie. Geld of materi?le dinge verslaaf ons ook nie.Veldkamp verduidelik dat verlossing deur Christus ons bevry van die “goudduiwel” – die gierigheid wat ons lewe beheer het. Ons wou alles besit, maar deur dit te doen, het dit ons begin besit. Jesus genees ons van die “goudkoors” wat Judas hel toe gedryf het. Ons is vry. Die materialisme, waardeur ons die wêreld wou verower maar ons siele verloor het, behoort tot die verlede. Jesus het ons dors na goud in ’n dors na God verander!

Bybelse wysheid

Kommentaar

Republikein 2025-08-04

Meld asseblief aan om kommentaar te lewer

Bybelse wysheid

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie