Bybelse wysheid

DR. ANNES NELEksodus 20:14: “Jy mag nie egbreuk pleeg nie.”In die fliek A Good Woman is Helen Hunt se karakter aantreklik en stylvol en lok baie mans. Een van hierdie mans wil met haar trou. Tydens hul bespreking oor sy huweliksaanbod maak sy ’n interessante opmerking: Aanvanklik is die huwelik ’n ruimte waar ’n mens vrylik kan asemhaal, maar elke dag krimp dit totdat dit soos ’n versmorende klein vertrekkie sonder vensters is. Die liefde wat veronderstel was om vryheid te bring, word verstikkend. Baie mense voel so. Hulle het hul persoonlikhede en vryheid in die huwelik verloor. Michel de Montaigne, ’n 16de-eeuse Franse filosoof, het die huwelik met ’n voëlhok vergelyk: die voëls buite wil binne wees en die voëls binne probeer alles om te ontsnap.In die Ou Testament was daar wetgewing wat egskeiding toegelaat het (Deuteronomium 24), maar Jesus het gesê dit was omdat mense se harte verhard was (Matteus 19:8). Ferdinand Deist merk op: “In daardie dae is egbreuk meer as ’n skending van eiendomsreg as ’n morele mislukking beskou. ’n Man se handelinge met ’n getroude vrou was ’n skending van die ander man se eiendomsreg.” Terwyl tye verander het, bly die kern: egbreuk gaan oor die bedreiging van iemand anders se huwelik. Dis meer as dit. Deist sê: “As jy die eenheid tussen jouself en jou gade wil vernietig, pleeg jy egbreuk. En God keur dit af.”Here, hou ons getrou in die huwelik, in Jesus se Naam. Amen.

Bybelse wysheid

Kommentaar

Republikein 2026-05-05

Meld asseblief aan om kommentaar te lewer

Bybelse wysheid

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.