Bybelse wysheid
DR. ANNES NEL
Eksodus 20:14: “Jy mag nie egbreuk pleeg nie.”
’n Predikant het ’n paartjie op hulle 50ste huweliksherdenking besoek. Hy het gevra wat hulle geheim vir die jare saam was. Hulle het gesê dat hulle baie gebid het. Die predikant was bly om iets geesteliks van die bejaarde paartjie te hoor. Hy vra toe waarvoor hulle gebid het. Die vrou het geantwoord: “Ek het vir genade gebid, nie vir krag nie. As ek vir krag gevra het, sou ek dit dalk teen hom gebruik het!” ’n Huwelik het genade nodig, nie krag nie!
Martin Luther het die huwelik gevier: “Die huwelik is nie ’n natuurlike saak nie, maar ’n geskenk van God. Dis ’n buitengewoon lieflike lewe. Dit is vir my baie meer werd as die koninkryke van Frankryk en Venesië, want ek het ’n vrou getrou wat God aan my gegee het.”
Wanneer ons hierdie gebod hoor, dink ons dikwels net aan ontrouheid of egskeiding. Jesus neem hierdie gebod verder en radikaliseer dit. Egbreuk is nie net ’n uiterlike daad nie. Dit begin in die hart (Matt 5:28). Begeerte is die wortel van die probleem. Selfsug plant die saad van konflik, skeiding en uiteindelik egskeiding.
Manie Malan skryf dat egskeiding nie ’n onvergeeflike sonde is nie. Hy het egter nog nooit gehoor dat iemand dit as ’n deug aanprys of dit vir hulle kinders toewens nie. Laat ons die huwelik as God se geskenk vier, eerder as om geluk elders te soek.
Eksodus 20:14: “Jy mag nie egbreuk pleeg nie.”
’n Predikant het ’n paartjie op hulle 50ste huweliksherdenking besoek. Hy het gevra wat hulle geheim vir die jare saam was. Hulle het gesê dat hulle baie gebid het. Die predikant was bly om iets geesteliks van die bejaarde paartjie te hoor. Hy vra toe waarvoor hulle gebid het. Die vrou het geantwoord: “Ek het vir genade gebid, nie vir krag nie. As ek vir krag gevra het, sou ek dit dalk teen hom gebruik het!” ’n Huwelik het genade nodig, nie krag nie!
Martin Luther het die huwelik gevier: “Die huwelik is nie ’n natuurlike saak nie, maar ’n geskenk van God. Dis ’n buitengewoon lieflike lewe. Dit is vir my baie meer werd as die koninkryke van Frankryk en Venesië, want ek het ’n vrou getrou wat God aan my gegee het.”
Wanneer ons hierdie gebod hoor, dink ons dikwels net aan ontrouheid of egskeiding. Jesus neem hierdie gebod verder en radikaliseer dit. Egbreuk is nie net ’n uiterlike daad nie. Dit begin in die hart (Matt 5:28). Begeerte is die wortel van die probleem. Selfsug plant die saad van konflik, skeiding en uiteindelik egskeiding.
Manie Malan skryf dat egskeiding nie ’n onvergeeflike sonde is nie. Hy het egter nog nooit gehoor dat iemand dit as ’n deug aanprys of dit vir hulle kinders toewens nie. Laat ons die huwelik as God se geskenk vier, eerder as om geluk elders te soek.
Kommentaar
Republikein
Geen kommentaar is op hierdie artikel gelaat nie