Bybelse wysheid

DR. ANNES NELEksodus 20:13: “Jy mag nie moord pleeg nie.” Die lewe is ’n kosbare geskenk van God. Elke lewe, van die eerste asemteug tot sy laaste oomblikke, is onder sy sorg. As volgelinge van Christus word ons geroep om hierdie heilige geskenk te eer en te beskerm.Tog is daar moeilike vrae rondom die waarde van die lewe: mediese dilemmas, lyding en verlies. Hoe reageer ons wanneer die lewe bedreig word of wanneer ons keuses maak wat die heiligheid daarvan in gedrang bring?Die sesde gebod verbied nie net moord nie. Dit roep ons op om aktief die lewe te kies. Dis ’n beroep om elke persoon as God se beeld te hanteer. Dit beteken om alles te ondersteun wat gesondheid, vrede en geregtigheid bevorder. Dit beteken ook om teen enigiets op te staan wat die menslike lewe vernietig, hetsy deur verwaarlosing, geweld of onverskilligheid.Op ’n persoonlike vlak is die keuse vir die lewe om te sorg vir ons liggame, ons verhoudings te beskerm, vir die omgewing om te gee en te werk vir ’n wêreld waar almal kan floreer. Martin Luther het gesê dat ons geroep is om “ja” te sê vir die lewe deur ons dade.Laat ons kyk, luister, kies en optree op maniere wat die waardigheid van elke mens beskerm. Dit is ’n voorreg om deel te neem aan God se voortgaande lewegewende werk.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.