Bybelse wysheid

DR. ANNES NELHebreërs 10:19,22: “. . . ons het dus nou deur die bloed van Jesus vrye toegang tot die heiligdom . . . laat ons tot God nader met ’n opregte hart en met volle geloofsekerheid.”Het jy al ooit opgelet hoe klein kindertjies speel? Hulle is vol energie, hardloop en gesels asof ons nie daar is nie. Dan, uit die bloute, sal hulle op ons skoot spring of om ons draai. Dit is asof hulle al hul energie opgebruik het en moet herlaai.Dis hoe opstandingsmense is. Jesus het ons na die wêreld gestuur om ’n verskil te maak. Ons moet ook vir onsself sorg. Die skrywer van Hebreërs sê dat ons ons batterye “herlaai” deur die vrye toegang tot God wat Jesus vir ons bewerk het, te gebruik. Deur die eenmalige en voldoende offer van Jesus, mag ons nou in die teenwoordigheid van God staan. In die verlede kon net die Hoëpriester een keer per jaar die Allerheiligste binnegaan. Nou kan ons deelneem aan ’n daaglikse erediens in die teenwoordigheid van God – enige tyd en enige plek. Ons dien, aanbid en eer God omdat Jesus se bloed die pad na God se hart oopgemaak het. Ons staan voor Hom sonder skuld omdat ons binne en buite skoon gewas is deur sy bloed (10:22). Ons doen dit met volle sekerheid!Ons het energie nodig vir ons reis. In sy teenwoordigheid ontvang ons dit!

Bybelse wysheid

Kommentaar

Republikein 2025-12-30

Meld asseblief aan om kommentaar te lewer

Bybelse wysheid

Kommentaar

Republikein 2025-12-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.