Bybelse wysheid

DR. ANNES NELJohannes 20:21: “Vrede vir julle!” sê Hy weer vir hulle. “Soos die Vader My gestuur het, stuur Ek julle ook.”’n Mens sou gedink het sy dissipels sou die eerste wees om te weet dat Hy lewe. In al vier die evangelies deel God die belangrikste nuus ooit met mense wat nie as die beste getuies beskou is nie: vroue. Hulle het dadelik vir die dissipels gesê dat die graf leeg is! Hulle het die moed gehad om oor God se ongelooflike oorwinning oor die dood te praat, al het die dissipels hulle nie geglo nie. Die bal is aan die rol gesit!Toe Jesus daardie Sondagaand aan sy dissipels verskyn het, het Hy hulle ten spyte van hulle twyfel weer deel gemaak van sy plan vir die hele wêreld. Hulle word getuies van sy liefde. Jesus is God se boodskapper na die hele wêreld. Johannes het Jesus se sending duidelik verstaan. Hy is die Lam van God wat die wêreld se sondes sou wegneem (1:29). Hy het dit volledig gedoen! (Johannes 19:30). Hy het opgestaan! Hy is die Here oor die dood. Nou moet sy volgelinge die goeie nuus van vergifnis aan mense oor die hele wêreld versprei (20:23; Lukas 24:47).Opstandingsmense is getuies van die vergifnis wat Jesus Christus deur sy bloed ’n werklikheid gemaak het. God stuur jou vandag om hierdie boodskap te deel!Vader, maak vir my ’n instrument om hierdie goeie nuus te versprei! Amen.

Bybelse wysheid

Kommentaar

Republikein 2025-04-30

Meld asseblief aan om kommentaar te lewer

Bybelse wysheid

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie