Bybelse wysheid

DR. ANNES NELSpreuke 24:33,34: “. . . nog ’n bietjie slaap, nog ’n bietjie sluimer, nog ’n bietjie handevou om te slaap en daar kom jou armoede aangestap. . .”In ’n samelewing waar waardes weer aangeleer moet word, is dit ons plig as Christene om voorbeelde te wees in ons werk. Ons werk moet ons diens aan Christus weerspieël (Kolossense 3:23-24). Uiteindelik toon dié wat hul Verlosser dien gewoonlik ’n groter toewyding en ywer as dié wat net vir ’n salaris werk.Hoekom werk jy? Is dit vir finansiële gewin, of om God te eer? Het jy jou entoesiasme vir jou werk verloor omdat bevordering onmoontlik lyk? Verwaarloos jy jou verantwoordelikhede en benadeel jy daarmee jou werkgewer? Dit is belangrike vrae vir elke Christen om te oorweeg.Die mensdom se begeerte na meer besittings is so oud soos die berge, maar wanneer die doel is om soveel as moontlik met die minimum moeite te verdien, bevorder dit ongesonde waardes. Dit kan lei tot oneerlikheid en uitbuiting, wat wrokke en jaloesie by ander kweek.Armoede is nie slegs die gevolg van sistemiese probleme nie. Dit kan ook die gevolg van ’n gebrek aan ywer wees. Dink na oor die werk wat God aan jou toevertrou het. Dit is sy voorsiening vir jou behoeftes. As jy hierdie verantwoordelikheid verwaarloos, loop jy en jou gesin die risiko om in moeilike omstandighede te beland.

Bybelse wysheid

Kommentaar

Republikein 2025-04-30

Meld asseblief aan om kommentaar te lewer

Bybelse wysheid

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie